mércores, 22 mar 2017
O Buque Oceanográfico Polar B.A.P Carrasco foi entregado hoxe por Construcciones Navales Freire á Mariña de Guerra de Perú nun acto celebrado no Porto de Vigo no que Abel Caballero puxo en valor o traballo conxunto de tecnoloxía e saber desenvolvido polo estaleiro vigués e a armada do país andino para botar ao mar unha "xoia da navegación". O rexedor felicitou ao persoal de Freire por ser quen de competir nun "mercado complicado" facendo os mellores barcos e, ademais, transmitiulle o afecto da cidade ao Perú polo drama humano provocado polas inundacións que sofren e que causaron xa a morte de 78 persoas.
martes, 21 mar 2017
Abel Caballero participou este martes na presentación da vixésimo sexta edición dun Salón de referencia en España, que, entre o 25 de marzo e o 2 de abril, reunirá no IFEVI medio millar de vehículos de máis de medio centenar de marcas. A cita presenta ademais unha novidosa área propia adicada ao vehículo comercial.
luns, 20 mar 2017
Caballero avanzou esta mañá as propostas do goberno local para a celebración dos Vigueses Distinguidos desde 2017. A Medalla da Cidade, máximo recoñecemento, recaerá este ano no Centro Oceanográfico do Instituto Español de Oceanografía.
venres, 17 mar 2017
Caballero fixo público este venres que a catedrática e decana da Facultade de Ciencias do Mar de Vigo, Belén Rubio Armesto, foi elixida para a redacción do Bando da Reconquista 2017. Entre os seus méritos, o rexedor subliñou súa a capacidade investigadora.
xoves, 16 mar 2017
Os 5,5 millóns de unidades, que estarán dispoñibles desde o mércores 22 de marzo, amosan un debuxo do momento histórico no que os vigueses botan abaixo a Porta Gamboa para expulsar aos franceses. O alcalde convida a toda España a vir mercar o cupón a Vigo porque "ten que tocar aquí".
luns, 13 mar 2017
Abel Caballero referiuse este luns ao último informe de Transparencia Internacional que sitúa ao Concello de Vigo como o máis transparente das urbes de Galicia, superando tamén á maior parte das grandes cidades españolas.
luns, 13 mar 2017
Licenciado en Economía e Empresariais, compatibilizará o cargo coa presidencia do Tribunal Económico-Administrativo do Concello. Abel Caballero adiantou que a Fundación inicia unha nova etapa máis "participativa" que comezará cun debate sobre o ámbito portuario e pesqueiro e na que se reducirá a cota das empresas.
venres, 10 mar 2017
No Pazo de Castrelos, o alcalde de Vigo presidiu este venres o acto de nomeamento do xornalista, escritor e investigador Ceferino de Blas como novo Cronista Oficial da Cidade de Vigo. Sucede neste cargo honorífico ao falecido Lalo Vázquez Gil.
mércores, 8 mar 2017
Abel Caballero sumouse este mércores á festividade de San Xoán de Deus, patrón dos bombeiros, no Fogar San Rafael onde os bombeiros vigueses realizaron unha exhibición para os usuarios do centro e para as súas familias, que gozaron da posibilidade de subir á escaleira do camión desprazado ata alí para a ocasión.
mércores, 8 mar 2017
O xornalista Ceferino de Blas García recibirá o recoñecemento oficial como novo cronista oficial da cidade o próximo 10 de marzo. Será nun acto que terá lugar no Pazo Quiñones de León no que recibirá un diploma e unha placa conmemorativa. <br />
