"Cun acordo total e unánime", en palabras do rexedor, a entidade que acolle ás forzas vivas da cidade aprobou unha proposta para demandar ao goberno galego e ao español desenvolver a declaración de impacto ambiental do tramo de Cerdedo nun prazo máximo de tres meses para poder realizar ese trazado.
No Pleno convocado no Consorcio da Zona Franca de Vigo para tratar o orzamento para 2017, o Concello abstívose ante as "luces e sombras" do documento que inclúe 4 millóns de euros para a Panificadora pero ao que lle falta, segundo o rexedor, concreción sobre o Centro de Transportes. <br />
Caballero considera "inadmisible e intolerable" a posición do Goberno de España e da Xunta de Galicia de deixar a Vigo fóra da alta velocidade, sen a variante de Cercedo. Así vai trasladarllo ás forzas vivas da cidade, sen descartar novas accións. <br />
A sétima edición da feira galega do vehículo clásico e de época abrirá as súas portas o venres 17 no Ifevi. Ao longo de 17.000 m2, contará con 80 expositores e 200 vehículos de exposición. Este ano réndese unha homenaxe especial a Ferrari polo seu 70 aniversario.
Reunido hoxe luns cos organizadores, o alcalde comprometeu o respaldo municipal ao proxecto, unha regata que refaría no 2021 parte da ruta Traslatio, partindo de Nápoles para finalizar en Vigo. "Que Vigo fora o final desta experiencia sería altamente conveniente para unha cidade tan mariña e tan marítima", concluíu.
Abel Caballero mantivo esta mañá un encontro con Jose Espartero, responsable de marketing de Ryanair para España e Portugal, no que destacaron o magnífico nivel de operatividade da compañía, así como a alta ocupación dos voos. Tamén deron conta do inicio, a finais do mes que vén, das novas conexións con Edimburgo e Milán ao tempo que se retoman as de Dublín e Boloña. O rexedor aproveitou para reiterarlle o seu interese porque a compañía opere a conexión con Madrid desde Vigo.
Tras a reunión do alcalde de Vigo e presidente da FEMP coa vicepresidenta do Goberno e o Ministro de Facenda, o Goberno comprometeuse a crear dous grupos de traballo para abordar o teito de gasto e o financiamento local que requiren o desenvolvemento dunha lei que permita investir o superávit aos municipios.
O alcalde nomeará ao xornalista Ceferino de Blas como novo cronista oficial da cidade, en substitución do falecido Lalo Vázquez Gil. A traxectoria deste profesional, que traballou en varios medios de comunicación, está moi vinculada a Vigo, na actualidade, a través do Instituto de Estudios Vigueses.
No encontro, que se celebrará o vindeiro luns en Madrid, o alcalde de Vigo e presidente da FEMP propoñerá ao Goberno a necesidade "urxente" de desenvolver o modelo de financiamento municipal, en paralelo co modelo autonómico, para resolver os problemas dos Concellos neste 2017, entre eles, o uso do superávit.
Abel Caballero ratificou hoxe que Vigo é unha cidade segura durante a toma de posesión do novo xefe da Policía Nacional, Manuel Teijeiro Sande, nun acto no que puxo en valor a función deste corpo de seguridade así como a cooperación absoluta do Concello coa súa labor na cidade.