xoves, 30 xaneiro 2020

O Concello aproba o proxecto básico para a reforma do Paseo de Bouzas cun investimento de 1,2 millóns

A Xunta de Goberno Local do Concello de Vigo deu este xoves o visto e prace á proposta de proxecto básico de rexeneración do paseo de Bouzas. A actuación aínda debe pasar pola aprobación do servizo de Costas e está previsto, segundo anunciou o alcalde, que sexa licitado no último trimestre de 2020. O investimento é de 1,28 millóns de euros e ten un prazo de execución de 11 meses.

Abel Caballero, na conmemoración do Día da Paz no colexio Miralba

xoves, 30 xan 2020

Invitado pola dirección do centro, o alcalde tomou parte este xoves no acto de celebración do Día da Paz das xesuitinas, coa participación duns 700 escolares. O colexio organizou a lectura dun manifesto, baile e solta de globos biodegradables que portaban sementes de árbores autóctonas. Caballero louvou a iniciativa.

Isabel Rey traslada á Alcaldía o luminoso Nadal de Vigo

xoves, 30 xan 2020

É a protagonista da última edición de Mostrarte, a iniciativa cultural que converte os espazos da Alcaldía nunha sala de exposicións. Coa súa pintura figurativa, a artista captura a última e exitosa campaña do Nadal vigués, facendo gala da súa ampla experiencia no tratamento da luz.