O Goberno da cidade de Vigo quere mostrar a súa dor polo pasamento da axente da Policía Nacional, falecida hoxe nesta cidade. Este goberno quere enviar o seu pésame a súa familia e a todo o Corpo da Policía Nacional de España.<br /> <br /> O alcalde decreta dous días de loito oficial e bandeiras a media asta, así como a suspensión do encendido das luces e o inicio das Festas de Nadal para o vindeiro luns, 1 de decembro, ás 19:00 horas na Porta do Sol.
O alcalde deu conta esta mañá do avance dos procedementos administrativos que permitirán sacar a poxa pública 4 parcelas en A Tomada (Navia) e 1 en Rosalía de Castro. Na Xerencia de Urbanismo tamén se deu conta das 357 comunicacións previas rexistradas en setembro, un 7,5 máis que no mes de agosto.
As liñas C1 e C2 de Vitrasa incrementarán as súas frecuencias durante o periodo de Nadal. Así o avanzou hoxe venres o rexedor nunha rolda de prensa na que non descartou que esta ampliación se consolide.
A Xunta de Goberno local aprobou hoxe venres os últimos trámites para comezar as obras de humanización de distintas rúas do centro e das parroquias. Cun orzamento superior aos dous millóns de euros, estes traballos teñen un prazo de execución máxima de 4 meses.
Abel Caballero manifestou hoxe venres a súa preocupación porque, coa entrada en vigor da Lei de Racionalización e Sostenibilidade das Administración Local, os concellos perderán as súas competencias en materia social a partir de 2016. Así o dixo durante unha reunión preparatoria dun encontro luso-galaico sobre drogadiccións que se vai celebrar en Vigo o próximo mes de febreiro.
Abel Caballero afirmou que as XVIII Xornadas de Outono, "da maior importancia", reúnen en Vigo a expertos en dereito laboral de toda España para analizar a merma dos dereitos dos traballadores durante a crise. O alcalde amosouse "encantado" de apoiar o evento por ser "un berro dos profesionais en favor dos dereitos dos traballadores".
O concelleiro de Deportes, Manel Fernández, presentou hoxe no Concello o 36º Memorial Belarmino Alonso de campo a través, a proba de referencia do panorama galego que se disputará este domingo dende as 10:15 horas en San Andrés de Comesaña, acarón do campo da Xunqueira, cun circuíto de 1,9 quilómetros.
A Concellería de Igualdade programa para o día 2 de decembro, martes, ás 20:00h a conferencia que impartirá Marcela Lagarde y de los Ríos sobre "A violencia feminicida e os dereitos humanos das mulleres" no auditorio do antigo Reitorado (R/Areal, 46)<br /> <br /> Marcela Lagarde é antropóloga e investigadora mexicana. Autora de numerosos artigos e libros sobre estudos de xénero, feminismo, desenvolvemento humano e democracia, poder e autonomía das mulleres, etc. Catedrática da Universidade Nacional Autónoma de México. Acuñou o termo feminicidio para describir a situación en Ciudad Juárez, México e acadou a creación dunha Comisión Especial de Feminicidio no Congreso para investigar o asasinato de mulleres en Ciudad Juárez.<br />
O obxecto deste concurso é seleccionar a corenta nenos e nenas para acompañar os Reis Magos na Cabalgata de Reis 2015.Poderán participar todas nenas e nenos da cidade nacidos entre o 1 de xaneiro de 2002 e o 31 de decembro de 2006, ambos inclusive.