O alcalde presentará no Pleno unha declaración en apoio aos traballadores de mantemento do Meixoeiro

O alcalde tratará de incluír na orde do día do pleno do próximo luns unha declaración de apoio aos 45 traballadadores do servizo de mantemento do Meixoeiro. Segundo explicou logo de manter unha reunión con representantes do comité de empresa, o goberno local respalda as reivindicacións dos traballadores, en folga pola defensa dos postos de traballo e da calidade dos mesmos. Ao mesmo tempo, o alcalde instou ao Sergas a dialogar cos traballadores dado que esta situación, ademais, ten graves consecuencias para os usuarios do hospital.