xoves, 19 xuñ 2014
Abel Caballero sumouse hoxe ás críticas dos profesionais da sanidade pública que critican que o futuro hospital de Vigo non contemple laboratorios. Cualificou de "escándalo" que as mostras dos pacientes teñan que ser trasladadas ao Meixoeiro ou "eventualmente" a un laboratorio privado.
xoves, 19 xuñ 2014
A Policía Local de Vigo imparte cursos de autoprotección e defensa persoal a vítimas de violencia de xénero, e este xoves o alcalde fíxolles entrega de 12 diplomas pola formación completada. Ata o momento, un total de 120 mulleres recibiron este adestramento a cargo dos axentes.
xoves, 19 xuñ 2014
O alcalde, Abel Caballero, e o presidente da Federación de Peñas Recreativas El Olivo, Camilo Pais, asinaron este xoves o convenio de colaboración polo que o Concello de Vigo achega á entidade 15.000 euros para axudar ao financiamento das actividades culturais e deportivas que organiza a Federación ao longo do presente ano.
xoves, 19 xuñ 2014
O Campionato de España de ximnasia acrobática recibirá nas Travesas este venres e sábado a máis de 250 deportistas de oito clubs pertencentes a catro comunidades autónomas (Madrid, Andalucía, Valencia e Galicia), nun evento que o alcalde de Vigo, Abel Caballero, definiu como "case inconcibible e imposible de imaxinar", polo que pediu que a cidadanía se envorque con "este deporte de beleza excepcional".
xoves, 19 xuñ 2014
Neste espazo pedagóxico teatral impartiranse obradoiros especializados de diferentes áreas e terán como obxectivo ofrecerlles aos futuros alumnos/as recursos técnicos e creativos para a súa formación complementaria. Estes obradoiros versarán sobre materias como creación teatral, interpretación ante a cámara (cine ou tv) e teatro musical. Terán unha compoñente fundamentalmente práctica e están destinados a persoas maiores de 15 anos, actores, actrices, animadores teatrais, directores/as teatrais, bailaríns/as e afeccionados ao teatro.
