Así o avanzou este martes Abel Caballero, despois da reunión mantida con responsables sindicais e tras o posicionamento da permanente do Consello Xeral do Poder Xudicial en favor do organigrama proposto polo Ministerio de Xustiza, que sitúa unha única sede nas capitais de provincia. O concerto, a primeira acción reivindicativa do partido xudicial de Vigo, será o 27 de xuño na Porta do Sol.
Mañá mércores celebrarase en Vigo a xornada de clausura do SUM PROJECT un proxecto europeo de mobilidade urbana que liderou a nosa cidade e contou cun orzamento de 1,5 millóns de euros. Esta iniciativa contribúe, a través da cooperación territorial, a promover e consolidar a mobilidade urbana sostible.
Desde hoxe martes ata o 14 de xullo poderán solicitarse as axudas municipais de aloxamento, subministros e alimentación nunha oficiña instalada na Lonxa do Concello entre as 09,00 e as 13,30 horas. As achegas deste programa, dotado cun 2 millóns de euros, adxudicaránse en réxime de concurrencia competitiva.
A novena edición do programa municipal "Camiña con Nós pola Igualdade" concluíu este martes coa entrega de diplomas no CEIP Emilia Pardo Bazán á dirección e alumnado do centro, por parte do alcalde de Vigo, Abel Caballero. Máis de 4.300 estudantes de 45 colexios recibiron formación -adaptada ás idades dos estudantes- para educar en igualdade entre nenos e nenas.
O alcalde comprometeuse hoxe martes en cooperar con Cogami na creacion dun "gran" centro educativo en Teixugueiras, en Navia. Trataríase, dixo o rexedor logo de manter un encontro con responsables da asociación, de asinar un convenio para dar apoio para la puesta en marcha dun espacio de formación e capacitación para persoas con discapacidade.