Abel Caballero remitirá hoxe mércores unha carta á Consellería de Educación para que acometa a ampliación do comedor de nove centros escolares vigueses, "saturados" na actualidade e en previsión do aumento da demanda pola crise, que o alcalde estimou en 200 rapaces máis. Todas as solicitudes atenderanse, e o Concello ampliará en 200.000 euros a partida orzamentaria para cubrilas.
O tenente de alcalde, Santi Domínguez, salientou este mércores que é "a primeira vez" que se leva a cabo unha actuación de posta en valor e musealización no xacemento arqueolóxico do Castro "para revitalizar o noso patrimonio". A actuación contará cun investimento dun millón de euros.<br />
O alcalde e a concelleira de Vías e Obras inauguraron este mércores a humanización da Travesía do Pino, con preto de 300.000 euros de investimento. A mellora, rematada en 3 meses, contempla o cambio do pavimento e as beirarrúas de granito, máis árbores, novos puntos de luz e renovación da rede de saneamento e abastecemento.
Sechu López, montañeiro vigués de 43 anos, atacará este verán dous do catorce "oitomiles" existentes. Para iso voará dende Vigo o vindeiro 19 de xuño a Islamabad (Paquistán), onde continuará ata o macizo dos Gasherbrum, na cordilleira do Karakorum, na cara sur ao lado paquistaní, fronteirizo con China.<br />
O concelleiro de Deportes, Xabier Alonso expresou os seus parabéns ao equipo de cadetes do Gestibérica, que veñen de proclamarse campións galegos na súa categoría. No trancurso dunha recepción na Concellería de Deportes, o edil animounos a seguir traballando para potenciar o deporte vigués e agasallou ao equipo co libro "Vigo nas ondas".
O xoves 21, as 19:30 h, dentro do ciclo de conferencias O fin do rural galego? organizado polo CAT Centro de Artesanía Tradicional de Vigo no Auditorio do Edificio Municipal do Areal (Rúa Areal, 46), contarase coa presencia de Xerardo Pereiro que falará das "Miradas cruzadas entre o rural e o urbano galegos"
Alumnos e mestres do Departamento de Música Antiga do Conservatorio Profesional "Manuel Quiroga" de Pontevedra ofrecen un concerto de música barroca o xoves 21 de maio ás 19.30h no Salón Auditorio da Escola Municipal de Artes e Oficios.Clavecín, viola de gamba, guitarra barroca, con obras de Vivaldi e Marais. A entrada é libre.
Ponse en coñecemento do público en xeral que por mor das obras de canalización de gas, a realizar <br /> pola empresa GAS GALICIA, estará pechada ao tráfico a rúa Brea Muiñeira, con acceso exclusivo para garaxes, dende o xoves 21 de maio de 2009 ás 10:00 horas e por un período aproximado dunha semana.<br />