A Concello convoca o V Concurso Videoclips Vigosónico para premiar o espíritu creativo de grupos e solistas de calquera estilo musical. Recollida do material audiovisual do 15 de maio ao 15 de xuño de 2018.
Desde este mércores ata o vindeiro 31 de maio, estará aberto o prazo para inscribirse no Verán Xove do Concello de Vigo. O alcalde, Abel Caballero, sinalou que o número de participantes aumenta de novo e destacou que o prezo é "moi asequible" grazas á subvención municipal.
A Concellería de Xuventude desenvolve un programa de Horta-escola na que pretende que as mozas e mozos interesados fagan un achegamento á agricultura ecolóxica e a os hábitos saudables de alimentación.
O alumnado da Escola Superior de Arte Dramática de Galicia (ESAD) presenta na sala de exposicións da Casa de Xuventude a exposición "Escenografía galega, caracterización e indumentaria" na que se mostra a evolución do traxe dende a antigüidade a través de figuríns.
Caballero animou esta mañá a acudir ao Ifevi entre o 28 de marzo e o 1 de abril para gozar no Parque Infantil e Familiar de Semana Santa. Tal e como se explicou en rolda de prensa, haberá actividades para todos os públicos como patinaxe, inchables ou un tren infantil.
O alcalde demandou esta mañá recursos para políticas de xuventude na cidade, logo de criticar a rebaixa de máis de 5 millóns de euros que a Xunta ven aplicando desde 2009. En declaracións aos medios, demandou ao goberno autonómico regresar aos estándares de investimento de hai 8 anos cando a partida era de 19,7 millóns e non de 14,2 como na actualidade
Caballero visitou este mércores o campamento municipal "Verán Ecolóxico en Navia", no que participan medio centenar de nenos e nenas durante dúas semanas. O alcalde avanzou que haberá máis prazas no verán de 2018, pois estas actividades facilitan a conciliación laboral e familiar.
Na visita ao que se desenvolve estes días nas Travesas, con preto de 500 nenas e nenos, puxo en valor os 250.000 euros de dedicación municipal para facer accesibles estas actividades ás familias viguesas.
Abel Caballero visitou este venres o polideportivo de Samil para a clausura dun campamento de verán do Concello no que participaron, durante unha semana, máis de cen nenos e nenas de entre 6 e 14 anos, con práctica de pádel, tenis e kayak. O Concello programa este verán máis de 25.500 prazas en actividades estivais.
Caballero informou este venres da clasificación de ofertas -antiga clasificación provisional- para a xestión dos campamentos de verán deste ano. O Concello ofrece máis de 25.000 prazas de campamentos e actividades de ocio e deportivas, ás que engade ademais dous cursos a impartir na Escola Municipal de Teatro.