luns, 5 abr 2010
Abel Caballero informou este luns da aprobación do plan de seguridade e saúde da mellora de Manuel Álvarez, "a humanización máis importante feita nunca nesta cidade" atendendo ao seu volume de investimento, que ronda os 5,2 millóns de euros. Os traballos de mellora na rúa, que xa deron comezo e que precisaron de expropiacións, estarán rematados no prazo de quince meses.
luns, 5 abr 2010
O alcalde anunciou hoxe luns a proposta de adquisición de 22 novos coches polo sistema renting para a Policía Local de Vigo, aprobada pola Xunta de Goberno. O parque móbil actual do corpo de seguridade vigués conta 26 coches dos 66 vehículos totais, co que as novas unidades prácticamente duplicarán os existentes. O renting terá unha validez de catro anos, ata o 2014, cun orzamento de 250.000 euros.
xoves, 25 mar 2010
ASUNTOS PARA INCLUIR NA SESIÓN ORDINARIA DA XUNTA DE GOBERNO LOCAL DO 26 DE MARZO DE 2010:
A este anuncio súmanse as obras previstas noutros dous centros máis que permitirán que Vigo dispoña o vindeiro curso de 8 escolas infantís municipais e 750 prazas
xoves, 25 mar 2010
O alcalde de Vigo, Abel Caballero, anunciou hoxe que a Xunta de Goberno ven de aprobar as inversións para a construcción de dúas novas Escolas Infantís municipais. A primeira delas estará na rúa Tomas Alonso, ofertará 80 prazas e contará con 270 metros cadrados e unha inversión de 246.000 euros.
martes, 23 mar 2010
Nunha Xunta de Voceiros celebrada este martes, os tres grupos políticos con representación municipal (PP, PSOE e BNG) acordaron a designación para 2010 de sete novos Vigueses Distinguidos. Segundo informou o alcalde, éstes serán Aurelio Pérez, a Cooperativa de Armadores, Diálogos 90, Escolas Ramón Nieto, Fogar e Clínica San Rafael, Sociedade Helios de Bembrive e Teo Cardalda. O próximo xoves ratificaranse en Pleno as distincións e a Medalla de Ouro da Cidade, aínda por consensuar.
luns, 15 mar 2010
Nunha Xunta de Goberno Local celebrada o pasado 11 de marzo, o Concello deu o seu visto bo a proxectos por valor de 16,1 millóns de euros, con cargo ao novo Plan E para 2010. Segundo explicou o alcalde, as licitacións inclúen doce humanizacións de rúas como López Mora e Pi y Margall, cun investimento de 12,6 millóns, e outros nove proxectos como a construción dun parque polideportivo en Barreiro e a renovación do entorno da Colexiata. As obras iniciaranse antes do verán.
luns, 15 mar 2010
A Xunta de Goberno Local celebrada este luns aprobou os plans de seguridade e saúde das obras, o paso previo ao inminente inicio dos traballos. Segundo indicou Abel Caballero, e dentro dos orzamentos municipais, o Concello deu o seu visto bo as melloras da Alameda Emilio Crespo Cano, de Casal de Arriba, Muiños, Sanín-Casas, Curros, o entorno da Igrexa de Zamáns e a estrada da Igrexa, Espedrigada, Baixada a Laxe, Fragoselo e Marcosende.
luns, 8 mar 2010
O alcalde de Vigo, Abel Caballero, informou este luns da aprobación dos plans de seguridade e saúde das melloras de Manuel Cominges, Cesáreo Vázquez, Estrada da Igrexa, Casal de Abaixo, Subida á Madroa e San Cristobo, por un valor total de 3 millóns de euros. Caballero salientou que as humanizacións validadas hoxe afectarán a "viais vertebradores" das parroquias, cumprindo así cunha "demanda histórica" da cidadanía.
luns, 8 mar 2010
A Xunta de Goberno Local deu hoxe luns luz verde ao proxecto de reforma do edificio polideportivo da ETEA para á súa apertura ao público, que inclúe o acondicionamento da pista, da piscina e dos "elementos febles" da estrutura. A inversión suma 848.000 euros, financiada por Zona Franca, e as obras estarán rematadas "a finais deste ano, comezos do próximo", tal e como adiantou Abel Caballero.
