martes, 5 mar 2019
O Boletín Oficial do Estado vén de publicar o DNI dos 8.881 titulares aos que o Concello non foi quen de localizar para comunicarlles esta tramitación e tamén a lista dos cinco solares que se incorporarán ao rexistro de edificación forzosa, ao non ter podido contactar cos propietarios.
mércores, 27 feb 2019
A moción solicitando que o Plan Estratéxico da Automoción recolla programas específicos e dote de solo industrial á cidade saíu adiante cos votos a favor do grupo municipal socialista. Tamén aprobouse outra proposta do PSOE para conexión ferroviaria do Corredor Atlántico.
mércores, 20 feb 2019
Abel Caballero avoga por trasladar a industria auxiliar ás inmediacións de Citroën para que a factoría gañe en competitividade. Con ese obxectivo, é preciso actuar con apremio e habilitar solo industrial canto antes.
xoves, 14 feb 2019
O Concello, que xa conta cunha decena de informes sectoriais, traballa na notificación dos propietarios pendentes (o 19% do total) a través do BOE e na resolución das alegacións presentadas. Abel Caballero subliñou o "nivel de acordo" dos titulares cun proxecto municipal que devolverá a edificabilidade en máis dun terzo da cidade.
xoves, 7 feb 2019
O Concello de Vigo seguirá a esixir un instituto na modificación do plan parcial San Paio de Navia, unha vez que o informe sobre as alegacións enviado pola Xunta de Galicia desbotara esa posibilidade. Caballero amosou a súa desconformidade con esta negativa porque Navia necesita esta dotación educativa e avanzou que non vai renunciar a ningunha das observacións realizadas polo Concello ao documento.
mércores, 6 feb 2019
O alcalde de Vigo, Abel Caballero, alertou de que as consecuencias poderían ser moi graves se a caída do teito fose dúas horas despois. "Agardamos a que a Xunta informe do sucedido", sinalou.
luns, 4 feb 2019
O alcalde anunciou hoxe luns a súa intención de recuperar a fachada de pedra da antiga estación de tren de Vigo -desmontada nos oitenta e almacenada en Redondela- para emprazala xunto ao acceso á nova estación do AVE de Urzáiz, deseñada por Thom Mayne. O arquitecto estadounidense visita hoxe a cidade.
venres, 1 feb 2019
O asilo será a primeira propiedade a demoler no Barrio do Cura, coa obriga de desmontar a fachada da igrexa para logo reconstruíla no seu emprazamento actual. Abel Caballero, quen advertiu do "risco inminente de colapso" do inmoble revelado polos técnicos, anotou que o derrubo dará "seguridade" á zona.
venres, 25 xan 2019
Abel Caballero informou este venres da entrega ao resto de grupos políticos deste documento, que fixa un cronograma de traballo e os principais eixos do futuro PXOM, e analiza a situación da cidade e o mercado inmobiliario. O alcalde estimou que en sete meses estará listo o borrador e o documento inicial estratéxico.
martes, 22 xan 2019
Segundo explicou Caballero este martes, o Concello custea a expropiación duns 500 m2 "imprescindibles" para construír a estación de autobuses e os accesos á estación do AVE de Urzáiz. O alcalde anunciou que en febreiro virá a Vigo o arquitecto Thom Mayne para supervisar as obras e o encaixe do ascensor entre García Barbón e Vía Norte que proxecta o Concello a través da estación do AVE.<br />