Segundo informou Abel Caballero, o mércores celebrarase o Pleno extraordinario de aprobación da ordenación provisional, que devolve a capacidade de edificar a 48.000 parcelas. En total, será posible construír no 38% da cidade, explicou o alcalde, quen valorou que o goberno de Vigo desbloquea "toda a edificabilidade que Vigo vai ter nos próximos vinte anos"
A Xerencia de Urbanismo do Concello deu o visto e prace este venres á aprobación definitiva da ordenación provisional mediante a cal un total de 48.000 propietarios van poder edificar nas súas parcelas. A concelleira María Xosé Caride avanzou que entrará en vigor este mes tras pasar polo Pleno Municipal.
O alcalde avanzou esta mañá que o TSXG avalou a resolución municipal de considerar establecementos turísticos os apartamentos de Samil, 55, co que se "resolve un problema urbanísticos que vén desde moi lonxe". O Concello tamén esta a solucionar unha situación similar en Samil, 61.
Abel Caballero deu conta esta mañá da incorporación do ámbito de Cruceiro na ordenación provisional, o que permitirá desenvolver máis de 40.000 m2 de solo comercial na Avenida de Europa. Está previsto que a propiedade ceda ao Concello o mesmo ancho do bulevar de Coia -uns 30 m2 - para darlle continuidade ao mesmo.
A Xerencia de Urbanismo ven de autorizar un proyecto do arquitecto Alfonso Penela para rehabilitar dous edificios da rúa Alfonso XIII. A reforma deberá respetar e conservar as fachadas así como recuperar a configuración especial do baixo comercial.
A Xerencia de Urbanismo vén de aprobar catro licencias para reformar inmobles en mal estado no Casco Vello. Trátase dunha prórroga para o edificio coñecido como o Pazo do Marqués, na rúa Oliva, e outros tres proxectos en Ribeira do Berbés, Chao e rúa Sombrereiros.
O Consello da Xerencia municipal de Urbanismo validará o xoves a modificación puntual do PXOM para a reordenación do Barrio do Cura e o seu sometemento a información pública para alegacións polo prazo de dous meses desde a súa publicación no DOG.
A Xerencia de Urbanismo dará luz verde este xoves ao proxecto e memoria de obras no camiño Baixada á Igrexa, á altura do número 10, en San Salvador de Teis. O proxecto contempla a reconstrución do muro parcialmente derrubado e a ampliación de 25 metros do camiño.
A Xerencia municipal de Urbanismo valida este xoves o instrumento de medidas provisionais de ordenación, unha vez concluído o procedemento de notificacións -máis de 47.000- e resolución das 428 alegacións presentadas. Segundo o documento, as parcelas incluídas poderán recuperar a ordenación urbanística que tiñan no PXOM de 2008 anulado.
A Xerencia de Urbanismo do xoves tomará coñecemento da resolución de 22 de abril para incluír o ámbito de Cruceiro na ordenación provisional, recuperando a regulación urbanística anterior. No lado máis próximo a Alcabre da Avenida de Europa, a propiedade cedería solo para dar continuidade ao bulevar de Castelao.