A campaña de promoción das Illas Cíes iniciada polo Concello tratará de levar turistas durante a tempada baixa, implementando un programa experimental de actividades na natureza, ligadas aos recursos que ofrece o Parque. Será a partir de xuño, indicou o rexedor, cando se inicie oficialmente a campaña para que as illas sexan declaradas patrimonio medioambiental da Humanidade pola Unesco.
O alcalde foi o encargado de presentar a imaxe de Vigo en FITUR, a Feira Internacional de Turismo que se está a celebrar en Madrid. O Concello decantouse polas Illas Cíes como principal recurso turístico da cidade, nunha presentación na que Caballero destacou a "maxia" e a "excepcionalidade" do arquipélago vigués, que aspira a ser declarado Patrimonio da Humanidade pola UNESCO.
O alcalde avanzou hoxe luns que viaxará a Fitur a próxima semana para promocionar as Illas Cíes como destino turístico, nunha campaña ligada á cidade de Vigo. Esta promoción continuará o 20 de febreiro cun espectáculo musical no Auditorio Mar de Vigo.
Abel Caballero destacou hoxe venres o "imparable proceso de recuperación do aeroporto de Vigo", durante a presentación das oito novas rutas áeras que porá en marcha Air Nostrum. Esta aerolínea conectará Peinador con Sevilla, Málaga, Alicante, Menorca, Gran Canaria, Londres, Roma e Bruxelas.
O goberno local aprobou unha achega de preto de 50.000 euros á Asociación de Comerciantes Vigovello dentro do plan municipal do fomento do emprego. Esta partida, indicou o rexedor, case se duplicou nos orzamentos municipais nos últimos tres anos, pasando de 2,6 a 5,5 millóns neste exercicio.
Abel Caballero anunciou hoxe xoves que o goberno que preside amenizará a cidade na primeira escala -o 27 de setembro- no porto vigués do "Oasis of the Seas", o maior transatlántico do mundo. O Concello reforzará os servizos de información e autobús turístico e disporá grupos folclóricos e música na rúa.
Abel Caballero explicou hoxe que os datos parecen confirmar que o mes de agosto será positivo en termos turísticos. Así se desprenden da información do Centro Municipal de Recepción de Visitantes que amosan en xullo un incremento de máis dun 17% respecto do ano anterior.
Abel Caballlero presenciou hoxe luns o bautizo dun reactor de Air Nostrum co nome de Illas Cíes, nun claro respaldo para que a Unesco declare ao archipiélago como Patrimonio da Humanidade. Así o recoñeceu o rexedor, quen agradeceu a compañía este compromiso e súa "fidelidade continua durante 18 anos".
Onte xoves, o alcalde de Vigo desprazouse a Oporto nunha visita oficial ao concello portugués, onde acordaron impulsar un proxecto de promoción turística no exterior, cooperar nos ámbitos de rehabilitación dos cascos históricos e traballar para conseguir financiamento europeo en proxectos de cidades intelixentes.
Tras a celebración dunha reunión do padroado da Vigo Convention Bureau, o concelleiro de Turismo e vicepresidente da entidade, Cayetano Rodríguez, anunciou este mércores unha "reflexión conxunta" para avanzar na creación dun órgano de xestión turística de carácter integral.