mércores, 1 abr 2015
O alcalde de Vigo mantivo este mércores unha reunión con Pedro Campos, director do Desafío Español da volta ao mundo de vela, quen lle transmitiu que a embarcación levará rotulado o emblema "Illas Cíes, Patrimonio da Humanidade" como apoio á candidatura. Esta promoción, sen coste para a cidade, chegará a Brasil, USA, Portugal, Francia e Suecia, próximos destinos da Volvo Ocean Race.
xoves, 12 mar 2015
O alcalde avanzou esta mañá unha xornada experimental de turismo en Cíes que se vai organizar o día 21 de marzo e na que poderán participar 210 persoas. O obxetivo é evaluar e adaptar as actividades que finalmente van vertebrar o proxecto deseñado polo Concello de levar turistas ás Illas fóra de tempada.
mércores, 11 feb 2015
Caballero presentou este mércores "O Canto das Illas", un espectáculo musical e audiovisual no Auditorio Mar de Vigo os días 20, 21 e 22 de febreiro, en apoio á candidatura das Cíes como Patrimonio da Humanidade. Con pezas compostas especialmente para o evento, artistas como Iván Ferreiro, Sondeseu e a Coral Casablanca, entre outros, porán a música, mentres que o audiovisual correrá a cargo de Colette Dedyn (que fará arte con area) e do videomapping que será proxectado por todo o auditorio.
martes, 3 feb 2015
A campaña de promoción das Illas Cíes iniciada polo Concello tratará de levar turistas durante a tempada baixa, implementando un programa experimental de actividades na natureza, ligadas aos recursos que ofrece o Parque. Será a partir de xuño, indicou o rexedor, cando se inicie oficialmente a campaña para que as illas sexan declaradas patrimonio medioambiental da Humanidade pola Unesco.
venres, 30 xan 2015
O alcalde foi o encargado de presentar a imaxe de Vigo en FITUR, a Feira Internacional de Turismo que se está a celebrar en Madrid. O Concello decantouse polas Illas Cíes como principal recurso turístico da cidade, nunha presentación na que Caballero destacou a "maxia" e a "excepcionalidade" do arquipélago vigués, que aspira a ser declarado Patrimonio da Humanidade pola UNESCO.
luns, 19 xan 2015
O alcalde avanzou hoxe luns que viaxará a Fitur a próxima semana para promocionar as Illas Cíes como destino turístico, nunha campaña ligada á cidade de Vigo. Esta promoción continuará o 20 de febreiro cun espectáculo musical no Auditorio Mar de Vigo.
venres, 21 nov 2014
Abel Caballero destacou hoxe venres o "imparable proceso de recuperación do aeroporto de Vigo", durante a presentación das oito novas rutas áeras que porá en marcha Air Nostrum. Esta aerolínea conectará Peinador con Sevilla, Málaga, Alicante, Menorca, Gran Canaria, Londres, Roma e Bruxelas.
venres, 19 set 2014
O goberno local aprobou unha achega de preto de 50.000 euros á Asociación de Comerciantes Vigovello dentro do plan municipal do fomento do emprego. Esta partida, indicou o rexedor, case se duplicou nos orzamentos municipais nos últimos tres anos, pasando de 2,6 a 5,5 millóns neste exercicio.
xoves, 18 set 2014
Abel Caballero anunciou hoxe xoves que o goberno que preside amenizará a cidade na primeira escala -o 27 de setembro- no porto vigués do "Oasis of the Seas", o maior transatlántico do mundo. O Concello reforzará os servizos de información e autobús turístico e disporá grupos folclóricos e música na rúa.
luns, 25 ago 2014
Abel Caballero explicou hoxe que os datos parecen confirmar que o mes de agosto será positivo en termos turísticos. Así se desprenden da información do Centro Municipal de Recepción de Visitantes que amosan en xullo un incremento de máis dun 17% respecto do ano anterior.
