venres, 1 xul 2011
O alcalde de Vigo, Abel Caballero, e o concelleiro Turismo e Comercio, Cayetano Rodríguez, recibiron este venres a un grupo de xornalistas británicos, chegados onte á cidade dentro dunha acción promocional do Concello. Dentro do convenio con Vueling para o voo Vigo-Londres, o Concello incluíu a realización de actividades de promoción turística e comercial da cidade no exterior, cláusula da que forma parte esta visita de xornalistas especializados.
mércores, 25 mai 2011
O tenente de alcalde e concelleiro de Turismo, Santi Domínguez, participou este mércores na presentación en Vigo do Circuito Boavista, que terá lugar na cidade de Porto durante dous fins de semana, do 17 ao 19 de xuño e do 1 ao 3 de xullo. O nacionalista animou aos vigueses e viguesas a presenciar "este fenomenal evento", que ao seu xuízo amosa "o espíritu que nos ten que levar á promoción conxunta das dúas cidades".
martes, 26 abr 2011
O tenente de alcalde e concelleiro de Turismo, Santi Domínguez, presentou este martes a Feira MITM Euromed de empresas, touroperadores e organismos de viaxes e turismo, que se celebrará dende mañá e ata o venres no Auditorio-Pazo de Congresos "Mar de Vigo". Na presentación do evento afirmou que é unha feira dirixida ao mercado das reunións e os viaxes de incentivo que reunirá a máis de 200 profesionais procedentes de 20 países diferentes.
luns, 21 feb 2011
O tenente de alcalde, Santi Domínguez, presentou hoxe luns á directiva de Ahosvi as novas iniciativas de promoción turística que vai desenvolver a Tenencia de Alcaldía e a Concellería de Turismo. Unha das novidades será a unidade móbil que percorrerá diferentes cidades do estado español e Portugal para dar a coñecer a oferta turística de Vigo.
xoves, 2 dec 2010
O tenente de alcalde e concelleiro de Turismo, Santi Domínguez, presentou onte a oferta de Vigo ao sector turístico de Barcelona, co turismo urbano e a ría como principais reclamos, para desestacionalizar o noso destino, nun mercado no que a nosa cidade ten potencial de crecemento. Nun acto que se celebrou a última hora da tarde o nacionalista amosou a campaña "Vigo, velo para querelo" a unha ampla representación do sector turístico da Cidade Condal.
martes, 30 nov 2010
O tenente de alcalde e concelleiro de Turismo, Santi Domínguez, presentará mañá en Barcelona a oferta de Vigo ao sector turístico da cidade catalana, dentro da campaña de promoción da cidade en mercados nacionais e internacionais do Plan de Competitividade Turística de Vigo. A oferta turística que a nosa cidade presentará en Barcelona aposta pola ría e o turismo urbano como grandes eixos da campaña "Vigo, velo para querelo".
xoves, 25 nov 2010
O tenente de alcalde e concelleiro de Turismo, Santi Domínguez, anunciou este xoves que o XVIII Congreso Nacional e XII Congreso Internacional de Medicina Xeral e de Familia, que se celebrarán no Ifevi do 18 ao 21 de maio de 2011, reunirán en Vigo máis de 6.000 persoas, procedentes tanto de España e Portugal como do resto da Unión Europea e Iberoamérica. Na presentación do congreso, que é o primeiro de ámbito internacional que chega a Vigo a través da Fundación Vigo Convention Bureau, o nacionalista fixo fincapé na forte repercusión que terá a celebración deste evento na cidade respecto ao seu retorno económico e a dinamización do sector hosteleiro.
mércores, 3 nov 2010
O tenente de alcalde e concelleiro de Turismo, Santi Domínguez, destacou que o novo Centro de Recepción de Visitantes de Vigo, inaugurado hoxe na Estación de Ría, coloca á cidade na "primeira división" do turismo. O centro consta de 170 metros cadrados, distribuídos en diversos espazos "nos que se facilita a autoxestión dos visitantes", segundo salientou o nacionalista, mediante o uso das novas tecnoloxías e un plano xigante de Vigo que permite unha visión global da cidade.
venres, 29 out 2010
O tenente de alcalde e presidente do comité executivo da Fundación Vigo Convention Bureau, Santi Domínguez, recolleu este venres o premio outorgado por Expogalaecia polo traballo desenvolvido pola Concellería de Turismo para impulsar a promoción do turismo en Vigo e a creación do Convention Bureau. O acto tivo lugar tras a inauguración da XIII edición de Expogalaecia, Salón Internacional de Turismo, Gastronomía e Artesanía, que xunto a Vigoferia se poderá visitar ata o 1 de novembro de 11 a 21 horas no IFEVI.
xoves, 21 out 2010
Vigo presentou hoxe a súa oferta turística en Porto apostando pola ría e o turismo urbano como grandes eixos da súa campaña de promoción "Vigo, velo para querelo". O tenente de alcalde e concelleiro de Turismo, Santi Domínguez, salientou na súa intervención que a nosa cidade é un destino que ofrece recursos para resultar atraínte ao visitante en calquera época do ano, reforzando así a idea da desestacionalización do turismo e a súa internacionalización como destino.
