luns, 9 mai 2016
Abel Caballero presidiu este luns a reunión do padroado da Vigo Convention Bureau, onde transmitiu que será esta Fundación -mentres non se defina unha "fórmula concreta"- a que pilote a tramitación para que as Illas Cíes opten a ser declaradas Patrimonio da Humanidade. O rexedor confiou en que este proceso "comece inmediatamente despois do verán".
mércores, 4 mai 2016
Segundo anunciou este mércores o alcalde, o Concello chegou a este "acordo mutuo" en virtude das melloras do contrato que está obrigada a facer a compañía. Así, a partir do mes de xullo e ata setembro, o aeroporto de Vigo contará con catro frecuencias semanais a Valencia, un destino que tamén ofrece Volotea. <br />
mércores, 27 abr 2016
O alcalde recibiu este mércores aos responsables da área de comunicación e viaxes da empresa, para estudar unha posible proposta coordinada de promoción da cidade. Segundo expuxo Caballero posteriormente, a compañía ten capacidade para chegar a toda España e ve en Vigo un "inmenso dinamismo" turístico.
mércores, 27 abr 2016
Abel Caballero, Carmela Silva e Carlos Domínguez Pity presentaron esta mañá un acordo que permitirá que 0'Marisquiño permaneza en Vigo os seguintes catro anos. Neste 2016, este festival arrincará a súa XVI edición o próximo 12 de agosto con máis deportes e novos espazos públicos.
xoves, 14 abr 2016
A película dirixida por Kike Maíllo, con Luís Tosar e Mario Casas como protagonistas principais foi presentada en rolda de prensa no Auditorio Mar de Vigo e, aínda que chegará ás carteleiras o 22 de abril, poderá verse hoxe nun pase especial para o público vigués. Abel Caballero destacou a capacidade do cine para "mobilizar unha parte da cultura" e sinalou que a rodaxe foi foco de atracción turística.
venres, 8 abr 2016
Así o confirmou este venres Abel Caballero, toda vez que os informes técnicos municipais son favorables ao cambio proposto por Air Nostrum. En virtude do concurso, a aeroliña ía conectar Vigo e Bruxelas mais solicitou este cambio ante a imposibilidade de garantir a plena actividade do aeroporto belga tras os atentados do pasado 22 de marzo.
xoves, 7 abr 2016
A aeroliña vén de propoñerlle ao Concello o cambio de destino a París, durante este ano 2016, mantendo as frecuencias e as prazas previstas no contrato, ante a imposibilidade de garantir a plena actividade do aeroporto de Bruxelas no verán tras os atentados do pasado 22 de marzo. A proposta será valorada con informes técnicos municipais e levada á Xunta de Goberno que ten a "última palabra".
luns, 4 abr 2016
O inicio das conexións de Vigo con Boloña e Dublín, que estreou Ryanair esta fin de semana cunha media de ocupación do 90%, significan para o rexedor a confirmación de que se na cidade "hai voos, a cidadanía vai collelos" e afirma que o número de conexións internacionais e nacionais do aeroporto sitúano entre os de maior rango de destinos.
mércores, 23 mar 2016
Os voos con destino a Gran Canaria, Roma e Londres que comeza a operar Air Nostrum durante este período vacacional rexistran unha ocupación de entre o 70 e o 90% e as conexións de Ryanair con Boloña e Dublín, que se inician en abril, superan o 90%. Para Caballero esta é unha semana "importante" e confirma que Peinador "medra máis ca ningún aeroporto".
xoves, 17 mar 2016
Na inauguración do II Encontro Cluster de Turismo de Galicia que se celebra no Auditorio do Mar de Vigo, Abel Caballero alentou aos participantes a atopar fórmulas turísticas que permitan "crear relacións entre países e persoas" e que sirvan para o longo prazo.