mércores, 25 ago 2010
O concelleiro de Patrimonio Histórico, Eudosio Álvarez, manifestou este mércores a súa preocupación pola redución en 300.000 euros das axudas á rehabilitación de vivendas acometida pola Xunta de Galiza no seu decreto do 1 de xullo. Segundo destacou o concelleiro nacionalista, esta decisión afecta a 35 actuacións que xa se están desenvolvendo nos barrios históricos do centro de Vigo e Bouzas.
venres, 30 xul 2010
O Museo da Cidade Quiñones de León continúa cos seus "Domingos de Museo" , onde se poderá seguir gozando da visita dinamizada para nenos/as e familias e das visitas guiadas para público en xeral. Este domingo Landriña, a mascota do museo, propón aos participantes descubrir a abstracción a partir de dúas simpáticas amigas chamadas Kiki e Bubba
venres, 16 xul 2010
O concelleiro de Patrimonio Histórico, Eudosio Álvarez, visitou hoxe a montaxe da exposición de escultura "Natureza con arte" que se inaugurará o día 22 nos xardíns históricos de Castrelos con obras de 27 artistas galegos e portugueses. "É posiblemente a exposición de escultura máis importante que se está realizando nestes momentos en Galiza", afirmou. A exposición permanecerá aberta ata o 31 de outubro no horario habitual de visita aos xardíns.
xoves, 15 xul 2010
O Museo de Castrelos desenvolverá do 19 ao 31 de xullo unha nova actividade dirixida a todos os públicos, baixo o título "Pequeno obradoiro de arqueoloxía. Convértete en arqueólogo por un día". Segundo explica o concelleiro de Patrimonio Histórico, Eudosio Álvarez, esta iniciativa realizarase de martes a venres de 11:30 a 12:30 horas, e para participar non é preciso reservar previamente.
venres, 9 xul 2010
O Museo de Castrelos desenvolverá o domingo 11 de xullo unha nova edición do programa "Domingos de Museo", segundo indica o concelleiro de Patrimonio Histórico, Eudosio Álvarez.
xoves, 8 xul 2010
O concelleiro de Patrimonio Histórico, Eudosio Álvarez, confirmou hoxe a aparición de restos dun enterramento nun sondeo preventivo realizado diante do adro da concatredral, previo ao inicio das obras de reforma das rúas do contorno. Os restos foron xa tapados, seguindo os procedementos técnicos esixidos, para garantir a súa protección.
venres, 2 xul 2010
O programa divulgativo para familias do Museo de Castrelos "Domingos de Museo" desenvolverá este domingo 4 de xullo unha nova edición, "Landriña descobre a escultura". Segundo informa o concelleiro de Patrimonio Histórico, Eudosio Álvarez, esta actividade gratuíta terá unha hora de duración, e nela poderán participar ata 15 nenos e nenas cun máximo de dous acompañantes.
mércores, 30 xuñ 2010
O concelleiro de Patrimonio Histórico, Eudosio Álvarez, presentou este mércores os obradoiros de verán que se desenvolverán no Centro de Artesanía Tradicional, que ofertan 28 pazas para rapaces e rapazas de 7 a 16 anos e comezan mañá, 1 de xullo. Na presentación, na que tamén participou o coordinador do CAT, Manuel Estévez, o nacionalista destacou o traballo das áreas coordinadas pola Tenencia de Alcaldía vencelladas coa cultura, que organizan actividades gratuítas nas que se pon de manifesto a "racionalización do gasto público".
venres, 18 xuñ 2010
O Museo de Castrelos acollerá o vindeiro domingo, 20 de xuño, unha nova edición do programa para familias "Domingos de museo". Nesta ocasión será o obradoiro "Landriña descobre a mitoloxía", que se desenvolverá de 11:30 a 13:30 horas, segundo avanza o concelleiro de Patrimonio Histórico, Eudosio Álvarez.
venres, 11 xuñ 2010
O Museo de Castrelos acollerá o vindeiro domingo 13 de xuño, o obradoiro "Landriña ensina os oficios", nunha nova edición do programa para familias "Domingos de museo". Co obxectivo de dar a coñecer o Museo da Cidade a todos os públicos, a actividade desenvolverase de 11:30 a 13:30 horas cun número máximo de 15 nenos ou nenas participantes, acompañados dun ou dous adultos.