A Concellería de Participación Cidadá vai desenvolver unha campaña para dar a coñecer as novas tecnoloxías e fomentar o seu uso por parte de todos os cidadáns. A campañá contará cunha aula móbil e outra fixa, nas que se prestará especial atención aos colectivos con máis dificultades de acceso ás novas tecnoloxías.
O centro de Internet de Candeán bota a andar coa presenza da concelleira de Participación Cidadá,Marta Iglesias, e a intención de achegar as novas tecnoloxías a esta parroquia, cunha conexión en banda ancha de 2 Mbps e unha pequena ciberárea.
A concelleira de Participación Cidadá, Marta Iglesias, abriu as VIII Xornadas de Xuventude e Iniciativas de Emprego. Segundo Marta Iglesias, estas Xornadas servirán para que os mozos coñezan, antes de se incorporaren ao mercado laboral, os recursos que lles ofrece a administración.
A Guía é unha iniciativa do Centro de Saúde de Teis e levada a cabo polo Plan Comunitario que conta co financiamento da concellería de Participación Cidadá. A Guía de actividades e recursos para persoas maiores trata de evitar a marxinación do amplo colectivo de maiores xubilados que viven neste barrio.
A Asociación de Voluntarios de Internet de Galicia (AVI Galicia) presentouse no Concello coa vontade de ser "a Cruz Vermella das novas tecnoloxías" e contribuír así a "reducir a brecha tecnolóxica" entre a nosa comunidade e o conxunto de España e Europa.
A concelleira de Participación Cidadá, Réxime Interior e Benestar Social, Marta Iglesias, reunirase mañá día 7 de abril ás 17:30 con todas as asociacións de estranxeiros presentes en Vigo. O encontro ten como obxectivo coñecer as necesidades e avaliar as posibles achegas do colectivo de inmigrantes e emigrantes retornados para facilitar unha maior integración.
A páxina web do Concello conta cun novo servizo chamado Carpeta do Cidadán, por medio do cal os vigueses poden realizar trámites e consultas e axilizar así as súas relacións con esta institución.
A nova responsable do área de Participación Cidadá, a concelleira Marta Iglesias, presentou o Plan de Formación Cidadá, que está vinculado á iniciciación e ensinanza das novas tecnoloxías, principalmente en áreas rurais onde o acceso a elas é mais complicado.
As asociacións de veciños de Sampaio, San Andrés de Comesaña, Matamá e San Xoan Poulo aspiran a unha subvención do programa Telecentros.es para a instalación dunha conexión a internet de banda ancha e equipos informáticos nos seus locais.
A OMV de Vigo está a incrementar a súa colaboración coas entidades da cidade co obxectivo de crear unha rede que posibilite o traballo continuo e conxunto. A Oficina experimentou un incremento de 179 voluntarios en 2004.