O Programa de Formación de Voluntariado Ambiental 2003, organizado pola Oficiña Municipal de Voluntariado (OMV) da Concellería de Participación Cidadá e que se ven realizando ao longo do mes de novembro, está desenvolvendo un Seminario sobre o Voluntariado Ambiental, que baixo o título de “O Papel do Voluntariado Ambiental no Municipio de Vigo” tivo lugar os días 18 e19 de novembro.
Un ano despois da catástrofe do Prestige e da actuación voluntaria e solidaria da cidadanía viguesa a Oficina Municipal de Voluntariado reúne a diversos responsables e técnicos coñecedores da situación da xestión do voluntariado nun Seminario sobre o Voluntariado Ambiental, que baixo o título "O papel do Voluntariado Ambiental no Municipio de Vigo", terá lugar o 18 e 19 de novembro na Aula Sociocultural CaixaGalicia (Rúa Policarpo Sanz, 21) das 18:00 as 21:45 horas. O Seminario é gratuíto e no precisa inscrición en ningures, pendente só do aforo da Aula Sociocultural CaixaGalicia.
A concellería de Participación Cidadá abre o prazo de convocatoria de subvencións para actividades de implantación das novas tecnoloxías da comunicación en entidades non lucrativas.
A Concellería de Participación Cidadá anuncia segunda convocatoria de concurso para a autorización do uso e goce de espacios de uso privativo no Viveiro de Asociacións do Centro Cívico do Casco Vello.
A Comisión de Goberno ven de aprobar a sinatura dun convenio de colaboración coa Consellería de Familia, Xuventude, Deportes e Voluntariado para a execución das accións de voluntariado proposta polo Concello de Vigo e enmarcadas no Plan Galego de Voluntariado 2002-2005.
A concellería de Participación Cidadá organiza un Programa de Formación do Voluntariado Ambiental que se materializa no desenvolvemento de dous cursos, un seminario e se completa cunha mesa redonda. Os cursos realizaranse entre os días 3 e 4 de novembro ata o 1 de decembro. O obxectivo prioritario do Programa é crear un equipo de coordinadores de voluntarios ambientais estable e actualizado que colabore coa organización das actividades de protección e mellora ambiental do Concello de Vigo.
Respostando á demanda plantexada pola cidadanía viguesa con motivo da crise do Prestige, a Oficina Municipal de Voluntariado ven de convocar 40 prazas en dous cursos de formación para coordinadores de equipos de voluntarios ambientais, e para labouras de voluntariado ambiental.
A concellería de Participación Cidadá organiza un Programa de Formación do Voluntariado Ambiental que se materializa no desenvolvemento de dous cursos, un seminario e se completa cunha mesa redonda. Os cursos realizaranse entre os días 3 e 4 de novembro ata o 1 de decembro. O obxectivo prioritario do Programa é crear un equipo de coordinadores de voluntarios ambientais estable e actualizado que colabore coa organización das actividades de protección e mellora ambiental do Concello de Vigo.
A concelleira de Participación Cidadá, María Méndez, ven de presentar a memoria de actividades do centro Cívico de Teis con motivo do primeiro aniversario da posta en servicio do centro. Segundo a concelleira o "centro é un espacio onde se fai patente a descentralización sociocomunitaria no municipio, que sirve para a participación e a convivencia cidadá a través do diálogo e as prácticas asociativas e culturais".
A concelleira de Participación Cidadá, María Méndez, deu conta dos contactos e visitas que mantivo durante os meses de xullo e agosto con 32 asociacións veciñais da cidade e salientou que todas as asociacións manifestaron o excesivo peso que sigue a ter a burocracia municipal en relación cos distintos procedementos administrativos.