O Laboratorio municipal recomenda non bañarse na praia de Mende ata a obtención de novos resultados analíticos positivos. Os areais do Vao, Toralla, Canido, O Portiño, Tombo do Gato, Argazada, Samil e Calzoa presentan excelentes condicións para o baño segundo se desprende da última mostraxe realizada.
A concelleira de Medio Ambiente, María Xosé Porteiro, asistiu ao acto de entrega en Santiago de Compostela das distincións europeas conseguidas para os areais do Vao, Argazada, Tombo do Gato, A Punta e Canido. A Federación europea de educación ambiental concédelles as bandeiras azuis a aqueles concellos nos que se realiza un esforzo especial para o mantemento, limpeza e xestión das súas praias en consonancia co respecto polo contorno.
A responsable de Medio Ambiente, María Xosé Porteiro, recolle o venres 20 de xuño as distincións concedidas pola Federación europea de educación ambiental a aqueles concellos nos que se realiza un esforzo especial para o mantemento, limpeza e xestión das súas praias en consonancia co respecto polo contorno.
Cotogrande acolle a segunda edición do Salón Internacional de Medio Ambiente e Equipamento Municipal (SIMEM) que se celebrará ata o próximo sábado e conta coa colaboración do Concello. Á inauguración asistiron os concelleiros de Medio Ambiente, Parques e Limpeza en funcións, Amador Fernández, Henrique Vieitez e Isaura Abelairas, respectivamente.
A Fundación Europea de Educación Ambiental concedeulles bandeiras azuis aos areais do Vao, Argazada, Tombo do Gato, A Punta e Canido. O esforzo do dispositivo do Goberno municipal, dos mariñeiros e voluntarios non conseguiu manter a distinción europea para a praia de Rodas, en Cíes, afectada pola marea negra.
A Feira da ecoloxía e a calidade de vida Vigonatura volve o venres 30 de maio ao recinto feiral de Cotogrande con máis de 70 expositores coa pretensión de incidir na conciencia do cidadá e dar a coñecer productos ecolóxicos.
O parque das ciencias naturais-Vigozoo abriu unha exposición, en colaboración coa Obra social de Caja Madrid, con exemplares de insectos de grande espectacularidade. Pode visitarse ata o 5 de xuño de 10:30 a 14:00 e de 16:00 a 20:30 horas.
O concelleiro de Medio Ambiente, Amador Fernández, presentou as novidades de Vigozoo, que o un de maio abre as súas portas de maneira gratuíta para que os visitantes poidan coñecer as instalacións.
Este programa da Concellería de Medio Ambiente ten como obxectivo a interpretación da natureza e etnografía do Concello de Vigo, por medio de rutas guiadas como ferramenta de comunicación para transmitir unha mensaxe positiva e efectiva con relación a este patrimonio. A cita será o sábado 26 de abril na praza de América, para coñecer a necrópole megalítica do monte da Madroa na que se teñen instalado paneis e sinais no entorno do Parque das Ciencias Naturais e a Torre dos Mouros.
O concelleiro de Medio Ambiente presentou o novo recinto no que conviven bolboretas e paxaros tropicais. As instalacións recrean o seu hábitat natural con temperaturas entre os 22 e os 35 graos, unha humidade relativa superior ao 70% e densa vexetación. A instalación axunta a exposición coa cría e conservación de exemplares.