A Escola Municipal de Teatro de Vigo realizará os días 14, 15 e 16 de xuño no Auditorio do Concello de Vigo, praza do Rei s/n, as XORNADAS TEATRAIS 2016. Neste evento os alumnos e alumnas representarán diversas creacións artísticas que desenvolveron ao longo do curso escolar.
O alcalde participou este venres na entrega de diplomas aos 50 homes e mulleres que completaron na Escola de Hostalería Harina Blanca a súa formación en cociña. Caballero subliñou que os formados neste centro teñen "boa perspectiva laboral" pois atopan emprego "a maior parte" dos que fan este curso.
O goberno de Vigo acordou este venres a adxudicación deste servizo que cobre o coidado dos fillos/as menores de doce anos ás nais sen recursos suficientes, procurando a súa independencia económica a través do acceso laboral. O alcalde tamén anunciou a contratación das obras no Mar de Vigo para a sede viguesa da UNED, por 600.000 euros.
Desde o xoves, e durante un prazo de vinte días hábiles, segundo informou o este venres Abel Caballero, o goberno de Vigo ten aberto o prazo para que as familias poidan solicitar estas axudas. O Concello adica ao efecto 1,8 millóns de euros e concede unhas 5.000 bolsas de comedor, libros e material escolar.
O rexedor avanzou esta mañá a intención municipal de potenciar a acción das hortas urbanas nos colexios da cidade. Así o explicou durante a visita que realizou ao Ceip Canicouva un "centro que realiza un traballo excepcional" e que xa conta cunha horta na que traballan os alumnos.
O alcalde deu a coñecer este mércores o plan de viaxe do alumnado de 2º de Bacharelato que acudirán desde a próxima semana a estudar inglés cunha das 617 bolsas que oferta o Concello neste curso. Os estudantes sairán de Vigo entre o luns 13 e o mércores 15 e pasarán tres semanas nun centro para aprender o idioma.
Caballero deu conta esta mañá da aprobación do proxecto de obras que permitirá que o Auditorio Mar de Vigo acolla á UNED e unha sala de estudo nas prantas 4ª, 5ª e 6ª. Tal e como lembrou o rexedor, estes traballos de remodelación, máis a dotación de mobiliario, correrán a cargo da Deputación no que supón unha aportación final de 800.000 euros.
O alcalde participou este martes na presentación desta iniciativa, no CEIP Balaídos, promovida por FCC e Contenur. De abril a xuño, máis de 3.500 escolares de Primaria tomarán parte nesta proposta, con Dinoseto como responsable de ensinar aos pequenos a importancia de reciclar e manter limpa a cidade.
Goberno local e Foanpas revalidaron esta mañá un convenio de colaboración de 606.039,31 euros para bolsas de comedor, actividades extraescolares e a aula matinal. En total, o Concello financia 5.000 bolsas de comedor cun importe de 1,8 millóns de euros, sen que exista lista de agarda.
Os días 4, 5, 9, 10 e 18 de maio o Auditorio do Concello de Vigo albergará baixo a dirección técnica da Escola Municipal de Teatro, as VII XORNADAS MUNICIPAIS DE TEATRO ESCOLAR, nas que participarán 335 actores e actrices noveis pertencentes a 11 centros de educación primaria e aos alumnos/as dos grupos de Dramatización III, Dramatización IV e Básico 9-11 anos da Escola Municipal de Teatro de Vigo. Estas xornadas posibilitan unha experiencia de participación aberta a toda comunidade educativa alumnado, profesorado, familias e contorno.