Segundo explicou este xoves Abel Caballero, o Concello conta este 2016 con 617 prazas para estudos de idiomas no estranxeiro, 47 para alumnado da Escola de Idiomas de Vigo, 420 máis para nenos e nenas da ESO e outros 150 para estudantes de Bacharelato. O goberno local adica ao efecto case 1,4 millóns.
En colaboración co Concello de Vigo, a Fundación Bancaria "la Caixa" oferta aos centros educativos da cidade catro sesións do concerto didáctico "Los Moussakis. Música de los Balcanes dentro de una maleta", dirixido a escolares de entre os 8 e os 16 anos. Os concertos celebraranse no Auditorio municipal os días 17 e 18 de febreiro, en dúas sesións diarias, ás 10,00h e ás 12,00h. O programa complétase cunha xornada de formación para os profesores de música dos colexios participantes, a cargo dun pedagogo musical.
O alcalde reuniuse este mércores con directores e directoras de centros públicos de Ensino Infantil e Primario que lle manifestaron a urxencia de acometer reformas para arranxar danos, cubrir patios ou ampliar comedores e bibliotecas e comprometeuse a demandarlle á Xunta que atenda estas demandas.
Coa colaboración do Concello de Vigo, o vindeiro sábado 16 de xaneiro, ás 19,00h, no Auditorio municipal de Vigo e con entrada libre, recalará a xira de presentación do proxecto "Escola do Rock de Paredes de Coura". A xira completarase con outras actuacións en Ponte de Lima (17 de xaneiro), Monçao (6 de febreiro) e Porto (7 de febreiro), polo que a de Vigo será a única cita fóra de Portugal.
A concellería de Educación do Concello de Vigo, a través das súas escolas municipais de música, pon en marcha o programa "Música coa escola", co obxecto, un ano máis, de facer partícipes aos centros de ensino de primaria e secundaria da cidade da promoción e desenvolvemento de actividades artísticas e creativas relacionadas coa música.A data tope para presentar solicitudes será o venres 22 de xaneiro de 2016.
O alcalde recibiu esta mañá a cinco estudantes premiados polo seu alto rendemento académico, dos que catro recibiron o Premio Extraordinario de Galicia da ESO e a última, o Premio Extraordinario de Bacharelato. Ademais de felicitalos, Caballero avanzou a vontade do Concello de estudar "fórmulas para axudar e estimular desde o Concello a estes estudantes avantaxados".
O alcalde deu conta esta mañá das obras de accesibilidade que o Concello acometeu este ano en 21 centros educativos da cidade. O goberno local tamén deu luz verde a unha subvención de 10.000 euros para a Coral Casablanca.
A Xunta de Goberno Local adoptou este venres a decisión, que suporá o traslado das aulas da UNED de Vigo á terceira planta do Auditorio Pazo de Congresos, a apertura dun espazo de lectura na segunda e un novo proxecto educativo-cultural no primeiro andar. O alcalde xa adiantou que solicitará a impartición en Vigo de novas carreiras desta Universidade, que se sumen ás 13 titulacións xa concedidas.
Durante toda a semana do 14 ao 18 de decembro, as escolas municipais de música e artes escénicas dependentes da Concellería de Educación do Concello de Vigo (Escola municipal de música de Vigo -EMMV-, Escola municipal de música folk e tradicional -ETRAD-, Escola municipal de danza -EMD- e Escola municipal de teatro -EMT-), farán a súa aportación ao ambiente deste Nadal na rúa do Príncipe, ao carón do MARCO, mediante pequenas actuacións de formacións propias de cada escola.
O alcalde mantivo un encontro este mércores con Óscar Ortega, director xeral da Fundación Amancio Ortega, quen lle propuxo ao Concello a cesión dun terreo para a construción dunha escola infantil na cidade. A obra sería responsabilidade da Fundación e a xestión da Xunta de Galicia. O rexedor confirmou a cooperación municipal pero demandou presenza na xestión do centro educativo.