Abel Caballero informou que a Xunta de Goberno Local acordou este xoves o envío da notificación ao Centro Asociado da UNED para o traslado das ensinanzas de grao ás novas instalacións do Auditorio Mar de Vigo. Ademais, o rexedor anunciou que se construirá un espazo de lectura na nova localización porque nestes momentos non hai oferta dabondo.
O alcalde reclamou este luns a autorización da Xunta de Galicia para que o Concello poida abrir as escolas infantís de Navia e Mestres Goldar, xa concluídas, con partida orzamentaria e adxudicada a súa xestión. Caballero recordou que, sumando as 162 prazas destas dúas, o Concello ten máis do dobre de vacantes de educación infantil que á chegada de Caballero á Alcaldía.
O alcalde achegouse este venres ao CEIP Pintor Laxeiro onde se están acometendo obras de mellora da accesibilidade e a construción dunha aula de psicomotricidade. Durante a visita explicou que o Concello está realizando durante este verán traballos de reparación e mantemento en 28 centros educativos públicos vigueses.
O alcalde de Vigo informou este xoves da decisión de solicitar que a sede viguesa da Universidade Nacional de Educación a Distancia ofreza oito novas titulacións: Estudos Ingleses, Administración e Dirección de Empresas, Ciencias Ambientais, Psicoloxía, Ciencia Política e da Administración, Pedagoxía, Xeografía e Historia, e Historia da Arte. Así, desde o próximo curso 2016-2017 a UNED de Vigo impartiría un total de 13 graos, cubrindo o 80% da demanda existente, apuntou Caballero.
O alcalde de Vigo achegouse esta mañá ao CEIP García Barbón onde se está a ampliar o comedor e a construír na pranta baixa uns baños e un vestiario. O alcalde incluíu esta obra nos traballos de posta a punto que está a realizar o Concello en 28 centros públicos da cidade.
O alcalde avanzou hoxe xoves que en setembro se rubricará o acordo que permitirá trasladar a Uned ao Auditorio Mar de Vigo. Así o dixo durante a visita ás obras de restauración e conservación que se veñen de realizar na sede do Casco Vello, cun orzamento de 45.000 euros.
O Auditorio Mar de Vigo será o lugar no que as familias dos 416 beneficiarios das bolsas de inglés participen o próximo día 7 de xullo nunha charla informativa. Tal e como explicou o rexedor, desde o ano 2008 xa son preto de 2.600 alumnos os que gozaron dunha estancia en réxime de inmersión lingüística.
O venres 26 de xuño ás 19:00, inaugurase a exposición "O Feo" no Espazo Emao. Dentro da programación anual da Escola Municipal de Artes e Oficios de Vigo, inclúese, ao remate de cada curso académico, a producción dunha exposición dos resultados materiais e simbólicos dun proxecto -proposto no claustro do profesorado- que, partindo dunha idea xeradora única, interpretada libremente, dea lugar ao despregue do traballo, imaxinación e saber facer dos distintos talleres.
A Escola Municipal de Teatro, ten previsto realizar no mes de xullo de 2015 dous Obradoiros de INTERPRETACIÓN ANTE A CÁMARA (do 3 ao 10 de xullo) e TEATRO MUSICAL CONTEMPORÁNEO, (do 13 ao 17 de xullo) nas instalacións da EMT, avenida de Castelao nº87 (interior), en horario de 17:00 a 21:00 horas. Amplíase o prazo de preinscrición ata o 30 de xuño.
A Escola Municipal de Teatro,realiza no mes de xullo de 2015 tres Obradoiros de: DANZA PARA ACTORES, INTERPRETACIÓN ANTE A CÁMARA e TEATRO MUSICAL CONTEMPORÁNEO,nas instalacións da EMT, avenida de Castelao nº87 (interior), en horario de 17:00 a 21:00 horas.O prazo de preinscrición finalizará o 23 de xuño.