Tras manter un encontro con representantes de FOANPAS e da ANPA do CEIP Balaídos, Abel Caballero criticou que a Consellería de Educación "queira enviar a nenos e nenas a centros afastados" do seu lugar de residencia, considerando que debe aplicarse o criterio de proximidade, algo que xera preocupación nas familias e na comunidade educativa.
A Xunta de Goberno Local Extraordinaria deu luz verde á adxudicación da contratación dos servizos destas tres escolas financiadas polo Concello nas que estudaron o pasado curso máis de 1.300 alumnos en diferentes disciplinas. Abel Caballero anunciou o comezo "xa" das obras de acondicionamento dos espazos da UNED no Auditorio Mar de Vigo e a contratación do subministro de mobiliario para as aulas por un importe de 196.000 euros.
Abel Caballero informou este martes da adxudicación provisional dos traballos de reforma de tres prantas do Auditorio Pazo de Congresos para acoller a sede viguesa da UNED e a maior sala de lectura da cidade. Segundo explicou o alcalde, esta reforma foi conveniada polo Concello coa Deputación.
Vigo contará un campus universitario dentro da cidade na zona na que se atopan na actualidade a Escola de Enxeñaría Industrial, o Politécnico e a Escola de Empresariais. Así llo comunicou ás responsables deste último centro docente coas que mantivo esta mañá un encontro na Alcaldía.
A Xunta de Goberno deu luz verde ao convenio de colaboración coa Xunta para a posta a disposición dos terreos que permitan ampliar o Ceip Rodríguez Castelao, en Navia. O goberno local tamén aprobou a contratación de catro proxectos de humanización por valor de 1,6 millóns de euros.
Como clausura do obradoiro da verán de Teatro Científico impartido pola Escola Municipal de Teatro de Vigo en colaboración co Consello Superior de Investigacións Científicas (CSIC), os alumnos e alumnas representarán o venres 8 de xullo ás 20:00 unha obra de temática científica titulada "Os Biofilms Bacterianos", nas instalacións da Escola Municipal de Teatro na Avenida de Castelao, 87 (interior)
O alumnado da Escola Municipal de Danza e Percusión Tradicional celebrarán o venres, 17 de xuño, o acto de clausura do curso na praza do Rei ás 20.30 horas.<br />
O alcalde despediu este mércores pola mañá no aeroporto a 25 alumnas e alumnos vigueses que van estudar inglés a un centros de formación do Reino Unido grazas ás bolsas municipais de inmersión lingüística. Son estudantes de segundo curso de Bacharelato que quedaran sen a axuda no ano 2013 e que forman parte dos 617 que recibiron a bolsa este ano.
Segundo explicou este luns Abel Caballero, coa aplicación da Lei de Racionalización e Sostibilidade da Administración Local, a partir do ano 2017 os concellos non poden asumir os gastos académicos, como é o caso da UNED, o que pode supoñer unha "ameaza" de peche do centro. Por iso reclamou novamente a eliminación da norma e pediu garantías aos grupos políticos para conseguir que ese punto concreto da Lei sexa anulado.
O alcalde recordou que non puideron optar no 2013, ano que lles correspondería por idade, ao carecer o Concello da partida orzamentaria, unha xeración que xa concluíu segundo de Bacharelato e accede agora ao programa de inglés do goberno de Vigo. En 2016, máis de 600 estudantes reciben unha bolsa de idiomas do Concello.<br />