O alcalde en funcións animou esta mañá a máis de 2000 escolares de 55 colexios vigueses e da comarca a que "estuden, primeiro, e se divirtan despois" durante o acto de entrega dos premios de Faro da Escola, unha convocatoria na que os estudantes crean o seu propio periódico con noticias do seu centro, que logo son publicadas en formato xornal por Faro de Vigo.
Abel Caballero compartiu esta mañá unha charla con alumnos e alumnas do IES Castro para falar dos problemas do medio ambiente. Durante o relatorio, o alcalde escoitou iniciativas dalgúns estudantes aos que animou a seguir impulsado iniciativas que promovan a concienciación sobre o coidado do planeta.
O rexedor en funcións acudiu este venres aos actos do 75 aniversario do Centro de Educación Infantil e Primario O Rocío e, ademais de felicitar a profesores e alumnos, entregou á directora o galardón do premio Vigueses Distinguidos que foille concedido o pasado mes de marzo durante os festexos da Reconquista.
A Xunta de Goberno Local do Concello de Vigo aprobou na súa sesión do 30 de maio a aprobación das listas definitivas de adxudicación, agarda e denegación das becas do Programa Municipal de Inmersión Lingüística (PILI). O número de prazas aumentouse finalmente ata 900 para cubrir todas as solicitudes.
Abel Caballero achegouse este xoves ata o CEIP San Salvador de Teis, onde comezou unha proposta na que alumnado do IES de Teis fan lecturas teatralizadas aos escolares do colexio, co acto central no parque da Riouxa.
Abel Caballero asistiu este mércores no Colexio Apóstol Santiago aos actos da campaña mundial pola educación en Galicia cuxa temática aborda a sostibilidade ambiental e no que participaron tamén estudantes do Colexio Miralba e do San Xosé da Guía.
Abel Caballero acudiu este luns ao Colexio Maristas el Pilar onde tivo a oportunidade de coñecer as instalacións e someterse ao cuestionario do alumnado. As nenas e nenos tiñan preparada unha sesión de preguntas para propoñerlle ao rexedor sobre a súa vida persoal e sobre a súa traxectoria política. No transcurso da entrevista, o alcalde lembroulle aos escolares a importancia do estudo e da educación que reciben por parte do profesorado no centro e dos pais e nais na casa.
O Auditorio Municipal acolle desde hoxe as X Xornadas Municipais de Teatro Escolar que contarán coa participación de 350 estudantes de 14 centros de Educación Primaria da cidade que representarán diferentes pezas, baixo a dirección técnica da Escola Municipal de Teatro. O alcalde saudou este luns ao alumnado, profesorado e familias presentes no patio de butacas da sala.
Producida pola Escola Municipal de Teatro, o obxectivo da función é educar en valores e transmitir a importancia do respecto aos maiores.<br />
A Xunta de Goberno Local do Concello de Vigo aprobou na súa sesión do 17 de abril a modificación do contrato do Programa Municipal de Inmersión Lingüística (PILI) para aumentar o número de becas de inglés e poder incluír as 900 solicitudes recibidas este ano para viaxar a Inglaterra e Irlanda.