martes, 11 out 2016
O alcalde inaugurou este martes en dependencias municipais o curso da Escola Municipal de Danza na que se formarán 250 alumnos do total de 1.560 que cursan nas Escolas Municipais de Música e Artes Escénicas especialidades de artes e oficios, danza, música, música tradicional e teatro. O rexedor define a oferta como "moi importante" porque a través desta aprendizaxe vanse formando as persoas que manteñen "as pezas clave da cultura tradicional", engadindo que para o Concello é "unha satisfacción mantelas e aumentar o seu presuposto e a súa participación".
luns, 10 out 2016
Este luns iníciase o curso 2016-2017 na Escola Municipal de Teatro na que 150 alumnos se formarán en interpretación e dramatización, cun acto no que participa o alcalde de Vigo. En total serán 1.560 alumnos vigueses os que estudarán nas Escolas Municipais ao longo do curso: 580 na de Música, 580 na de Música Tradicional e Folk e 250 na Escola Municipal de Danza. <br />
<br />
luns, 10 out 2016
O alcalde e a presidenta da Deputación visitaron o Auditorio Mar de Vigo o mesmo día que arrancan as clases da UNED nestas instalacións. Ambos dirixentes coincidiron ao cualificar de "extraordinarios e magníficos" uns espazos que foron acondicionados e dotados de mobiliario grazas ao financiamento da Deputación.
xoves, 22 set 2016
Este ano, o goberno de Vigo envía a 617 alumnos e alumnas a estudar inglés no Reino Unido e Irlanda. O alcalde anunciou este xoves que baralla aplicar no orzamento de 2017 unha "suba moi substancial e moi importante" para o programa Vigo en Inglés, co obxectivo final de atender á demanda existente.
mércores, 21 set 2016
O rexedor define como "éxito excepcional" o programa "Vigo en Inglés" ao que o goberno local destina 1.500.000 euros e do que gozarán este ano 617 alumnos e alumnas viguesas que pasarán un mes aprendendo esta lingua e convivindo cunha familia no Reino Unido e en Irlanda.
luns, 19 set 2016
O alcalde acudiu este luns ao aeroporto vigués, desde onde partiron os primeiros cen estudantes cunha bolsa de estudos do Concello. O goberno de Vigo sufraga este ano a estadía en Irlanda e Inglaterra a 617 alumnos/as e, segundo anunciou Caballero, o orzamento aumentará en 2017 ata case o millón e medio de euros.
martes, 13 set 2016
Durante a visita que realizou hoxe ao centro polo inicio do novo curso no ensino Infantil e Primario, Caballero informou da dotación por parte do Concello ao centro dun columpio adaptado para que o alumnado con discapacidade poida xogar en igualdade de condicións. Amais, incidiu na importancia do plan de tráfico posto en marcha nos colexios pedindo a cooperación veciñal para respectalo.
luns, 12 set 2016
Co inicio de curso este luns entra de novo en vigor o plan de tráfico nas entradas e saídas aos centros, con espazos reservados para deixar e recoller a escolares en horas establecidas. O alcalde anunciou tolerancia nos primeiros días para despois ir pola "vía coercitiva" se é preciso, para garantir a "seguridade" do alumnado e a "fluidez" da circulación.
martes, 6 set 2016
O alcalde destaca o cumprimento do compromiso adquirido polo seu goberno de "aumentar as escolas infantís e o número de prazas" con oito centros aos que o Concello destina 1.714.000 euros. Amais puxo en valor a elevada porcentaxe de familias que reciben subvención para este servizo e o máximo de 124 euros que pagan aquelas que non teñen dereito ao financiamento.
martes, 6 set 2016
A Avogacía do Estado estudou as concesións portuarias, tamén a do Mar de Vigo, e establece "precisións", explicou Caballero, sobre o uso do edificio como sede viguesa da UNED, informe que analizan os xurídicos municipais pero que "non ten ningunha relevancia" nin presenta "ningunha dificultade" para a apertura da Universidade no Mar de Vigo.
