martes, 22 nov 2016
O alcalde de Vigo, Abel Caballero, acompañado polo concelleiro de Deportes, Manel Fernández, o director da carreira, David Posada, e representantes das firmas patrocinadoras (Máis que Auga, Gadis e Frutas Nieves) e da organización (FPR El Olivo e Asociación de Centros Deportivos e Culturales), presentou a San Silvestre 2016, que se correrá o 31 de decembro por décimo segundo ano consecutivo, cuarto ano seguido na Alameda e a súa contorna.
venres, 11 nov 2016
O alcalde recibiu a unha representación dos 23 deportistas vigueses beneficiarios das axudas municipais para competicións de alto nivel, tanto en Europa como no resto do mundo ou das olimpíadas e paraolimpíadas, para a temporada 2015-2016. As mozas e mozos vigueses de diferentes idades e especialidades recibiron do Concello un total de 33.000 euros e foron eloxiados polo alcalde, quen se amosou "satisfeito" polo labor que realizan e anunciou que seguirá apoiando o deporte da cidade.
xoves, 10 nov 2016
O alcalde de Vigo, Abel Caballero, xunto co concelleiro de Deportes, Manel Fernández, recibiu a unha representación do Club Maniotas de ximnasia rítmica encabezada pola súa presidenta, Paula García. O xefe do goberno local coñeceu de primeira man os últimos resultados das ximnastas e anunciou o Trofeo Cidade de Vigo de rítmica de conxuntos, que terá o patrocinio do Concello.
martes, 8 nov 2016
O alcalde de Vigo, Abel Caballero, e Carmen Avendaño, presidenta da asociación de loita contra a droga Érguete, presentaron xunto ao concelleiro de Deportes, Manel Fernández, a segunda edición da proba solidaria atlética Érguete e corre.
mércores, 2 nov 2016
<br />
Abel Caballero recibiu este mércores a responsables da clase J70 de vela do Real Club Náutico que lle presentaron o proxecto para que a cidade sexa a sede da competición europea desta clase de navegación en 2018, un evento que considera que debe dar protagonismo ás Illas Cíes.
luns, 31 out 2016
O alcalde convidou a toda a cidade a sumarse á cuarta edición da carreira solidaria que se celebra este domingo día 6 de novembro e que recadará fondos para a investigación con nanofármacos. A inscrición mantense aberta ata este mércores día 2.
xoves, 27 out 2016
As 31 empresas interesadas na construción da grada de Río visitaron esta mañá o estadio municipal, cando o prazo para concursar na licitación remata o 14 de novembro. Respecto do inicio destas obras, o rexedor confirmou que dubida entre comezar en primavera ou esperar ata que remate a temporada futbolística.
xoves, 27 out 2016
Uns trescentos atletas participan este domingo na terceira edición do Trail Montes de Vigo, que o alcalde da cidade, Abel Caballero, definiu como "un gran trail".
venres, 21 out 2016
O alcalde reuniuse este venres pola mañá con representantes do Trasnos Béisbol Club "asumindo a responsabilidade e o reto" de proporcionar un campo utilizable para os equipos que practican este deporte. Ademais, o Concello aprobou axudas a 19 deportistas vigueses de elite por valor de 33.000 euros.
martes, 18 out 2016
O alcalde mantivo un encontro este martes coa Agrupación de Veteranos do Fútbol de Vigo que congrega a 110 equipos de toda a Área Metropolitana, dos que corenta e cinco son do municipio olívico e o resto pertencen a concellos da área metropolitana. Abel Caballero transmitiulles que contarán coa colaboración do Concello para continuar participando na liga de veteranos dándolles cobertura para que se manteñan nesta competición e na práctica do deporte, unha acción que contribúe a facer cidade, segundo apuntou. <br />