A Xunta de Goberno Local aprobou este venres o nomeamento das direccións facultativas das obras de instalación de pavimentos deportivos elásticos na pista vermella de As Travesas e Teis e na cubrición da piscina da ETEA, que permitirá dotar un novo equipamento a esta zona.
O alcalde de Vigo, acompañado polo concelleiro de Deportes, Manel Fernández, e por representantes dos clubs AVA e Beade, presentou este xoves a segunda edición do Circuíto Concello de Vigo de atletismo en pista.
O alcalde participou este mércores no Pavillón Central das Travesas na entrega de medallas das Xornadas Polideportivas de Reis, que congregaron a máis de cincocentas nenas e nenos de entre 4 e 11 anos durante este Nadal nas Travesas, en Navia e en Coia. Caballero puxo en valor "a grande mobilización" do deporte base da cidade neste período navideño con "miles" de rapaces e rapazas participando nas actividades organizadas polo Concello.
A viguesa Clara Pereira e o seu compañeiro David Vigo, que forman parte do Club de Baile Deportivo Al Compás, participaron recentemente no Open Internacional Junior no que se proclamaron subcampións de España de baile deportivo. Abel Caballero felicitounos polo éxito acadado, nun encontro celebrado este martes no Concello, e transmitiulles o aprecio da cidade polo seu bo facer nas pistas.
Abel Caballero recibiu este luns a Javier Álvarez Fariña, a quen felicitou por terse proclamado recentemente gañador da Copa de España de Judo na categoría de menos de 90 quilos e sinalou a "grande importancia deportiva" deste galardón que sitúa o "judo de Vigo nos máis altos niveis de España". <br />
Este luns o rexedor mantivo un encontro con varios deportistas do Ximnasio Escola Tao de Vigo a quen lles deu os parabéns polos éxitos acadados ao longo da temporada 2016, con varias medallas no Mundial, nas diferentes categorías da especialidade de taekwondo e referiuse ao "altísimo nivel" que está vivindo o judo, o taekwondo e as artes marciais na cidade.
O Concello de Vigo, a través da Fundación VIDE, porá en marcha unha nova experiencia na primeira semana do ano co obxectivo de "multiplicar a oferta deportiva municipal de canteira", explicouse hoxe. Do 2 ao 4 de xaneiro (luns a mércores), As Travesas, Navia e Coia recibirán os Xogos Deportivos de Reis, unha actividade que terá a medio cento de equipos e máis de 500 deportistas con idades comprendidas entre os 4 e os 11 anos.
Logo do encontro mantido con responsables das entidades que participan na formación deportiva do Concello, Caballero deu conta da presenza de 5.000 alumnos nas 35 modalidades que se imparten e sinalou o beneficio que lles supón a exención municipal de 233.000 euros anuais.
O alcalde de Vigo, Abel Caballero, presentou a cuarta edición do Torneo de Nadal de fútbol, que se celebrará do 26 ao 30 deste mes en dez campos municipais con 2.000 participantes.
Caballero asinou esta mañá sete convenios con outras tantos colexios e entidades deportivas para eximirlles do pagamento da cota correspondente ao uso de instalacións municipais. Trátase dunha medida coa que o goberno local quere reforzar o seu apoio ao deporte.