xoves, 21 ago 2008
O XXXVIII Trofeo Ciudad de Vigo de fútbol se disputa este sábado 23 en el estadio municipal de Balaídos a las 21.00 horas con Celta y Sparta de Rotterdam en pugna por la tradicional "uve" característica que se entrega al vencedor del torneo. Organizado polo Ayuntamiento y patrocinado por el Corte Inglés y Coca Cola, el encuentro supone la presentación de todos los fichajes celestes ante la afición en una temporada en la que el Celta "debe recuperar su espacio deportivo en Primera", aseguró el concejal de Deportes, Xabier Alonso, en la rueda de prensa celebrada en la casa consistorial.
mércores, 20 ago 2008
A Travesía a nado da Ría dispútase este domingo coa participación de 170 nadadoras e nadadores, o máximo permitido pola Capitanía Marítima. Patrocinada pola Concellería de Deportes, Xunta e Centro Comercial Gran Vía, a proba que organiza o Real Club Náutico vigués entra na súa novena edición coa ilusión de que este ano un galego supere a marca conseguida por David Meca en 2007 (44:58.56).
luns, 18 ago 2008
Esta é unha semana decisiva para os deportistas vigueses que compiten nos Xogos Olímpicos de Pequín, polo que o concelleiro de Deportes, Xabier Alonso lles desexa sorte nesta cita e espera "un bo papel" dos deportistas na semana máis importante deles nos Xogos. Así, mañá martes, ás 22.15 horas (16.15 horas en España), Tamara Abalde e as súas compañeiras inician o asalto ás medallas ao comezar a fase de cruces no torneo de baloncesto feminino. Mentres, os atletas Santi Pérez e David Gómez preparan, respectivamente, as súas probas de 50 quilómetros marcha e decatlon.
mércores, 13 ago 2008
A XVI Bandeira Concello de Vigo de Traiñeiras, que se celebrará o vindeiro 17 de agosto en augas do Porto de Vigo, contará cun "alto nivel deportivo", segundo salientou este mércores o concelleiro de Deportes, Xabier Alonso. Así mesmo o indicou o presidente do Real Club Náutico de Vigo, Franco Cobas, na presentación da proba, na que tamén participou o vicepresidente do C. R. Coruxo, Darío Fernández.
martes, 5 ago 2008
A Regata Rías Baixas "Martín Codax", que se celebrará do 11 ao 15 de agosto, contará coa participación de 1.200 tripulantes de máis de 120 barcos procedentes de todo o Estado español e Portugal e unha ampla representación galega . Segundo sinalou o tenente de alcalde, Santi Domínguez, na presentación da proba, trátase dunha regata de "gran relevancia, non só deportiva, senón tamén turística", que este ano cumpre xa a súa 45 edición.
martes, 29 xul 2008
O concelleiro de Cultura, Xesus López, salientou este martes a repercusión que supón para Vigo que a regata Le Solitaire du Figaro realice unha das súas escalas na cidade. O edil nacionalista realizou estas declaracións no transcurso da recepción oficial do Concello ofrecida á delegación da regata que tivo lugar esta mañá no pazo de Castrelos, e na que tamén participou o presidente do Real Club Náutico, Franco Cobas. <br />
xoves, 24 xul 2008
O tenente de alcalde, Santi Domínguez, e o concelleiro de Deportes, Xabier Alonso quixeron amosar hoxe o seu "máximo apoio e respaldo" aos deportistas vigueses que participarán nos vindeiros Xogos Olímpicos que se disputarán en Pekín. Así o expresaron Domínguez e Alonso na comparecencia conxunta que compartiron cos deportistas que participarán en Pekín 2008 Chano Rodríguez e Santi Pérez.
xoves, 24 xul 2008
O Celta Bosco denominarase na temporada 2008/09 Celta Indepo na Liga Feminina de baloncesto, ao alcanzar o acordo de patrocinio cunha construtora de instalacións deportivas, e contará con Viajes Sant Yago e Plexus como empresas copatrocinadoras. Así o anunciou hoxe o presidente do club vigués de baloncesto feminino, Paco Araújo, nun acto no Club Financeiro ao que asistiu o tenente de alcalde de Vigo, Santiago Domínguez, o concelleiro de Deportes, Xabier Alonso, a xerente da Fundación VIDE, Laura Magdalena, e representantes das firmas patrocinadoras (Serafín Domínguez, Angel Cabana y Antonio Agrasar) e federación (Alberto Zato).
mércores, 23 xul 2008
Desde o vindeiro sábado, día 26, ao 3 de agosto, as instalacións do IMD de Samil serán escenario do Internacional de Tenis Feminino Cidade de Vigo-III Copa Caixanova, que congrega a 96 xogadoras de vintesete países (desde varios da UE ata de outros tan lonxanos como Filipinas, Tailandia e Australia) en busca dos puntos para o ranking WTA. O torneo, que organiza a Federación Galega de Tenis e patrocina o Concello, ademais de Xunta e Deputación, está dotado con 25.000 dólares (20.000 euros) en premios.<br />
<br />
mércores, 23 xul 2008
O concelleiro de Deportes, Xabier Alonso, felicitou este mércores ao clube de béisbol Halcones de Vigo co gallo do seu recente ascenso á División de Honra no transcurso da recepción que ofreceu a directivos e xogadores da entidade. No encontro, que tivo lugar en dependencias municipais, o concelleiro nacionalista sinalou que este ascendo supón un "gran mérito" a partir do cal o clube afronta "importantes retos de cara ao futuro".<br />
