martes, 4 mai 2010
O concelleiro de Deportes, Xabier Alonso, expresou este martes os seus parabéns aos clubs Unión Balonmán Lavadores e Magope Seis do Nadal polo seu ascenso á primeira categoría este pasado fin de semana. Nunha recepción que tivo lugar no Concello de Vigo, e na que participaron os deportistas dos dous clubs e integrantes das súas directivas, o nacionalista salientou o traballo que están a facer polo deporte de base.
martes, 4 mai 2010
O Premio Nacional do Deporte, que onte luns recibiu unha representación do Concello de Vigo, encabezada polo alcalde Abel Caballero, será compartido con todo o mundo do deporte vigués nun acto que se celebrará o vindeiro venres no pavillón das Travesas a partir das 20 horas. O tenente de alcalde, Santi Domínguez, quixo salientar este martes que é un premio de todos os vigueses e viguesas, polo que é preciso que toda a cidade o celebre nun acto colectivo.
luns, 3 mai 2010
Unha delegación do Concello de Vigo, integrada polo alcalde, o tenente de alcalde e o concelleiro de Deportes, recollerá esta tarde o Premio Nacional de Deportes do Consejo Superior de Deportes. Ás 19 horas, SS.MM. os Reis, os Príncipes de Asturias e as Infantas Dona Elena e Dona Cristina, acompañados polo secretario de Estado para o Deporte, Jaime Lissavetzky, presidirán a entrega dos galardóns, que se celebrará no Palacio Real de Madrid e que supón o recoñecemento á traxectoria deportiva de Vigo.
xoves, 22 abr 2010
O concelleiro de Deportes, Xabier Alonso, expresou este venres os seus parabéns á deportista Xisela Aranda, que vén de gañar o Campionato de España absoluto feminino de squash. Asemade, felicitou a Hugo Varela, seleccionado para a selección absoluta deste deporte e a Iván López, campión de España sub-11 e que mañá se desprazará a Palencia para participar no Campionato de España sub-13.
mércores, 14 abr 2010
O tenente de alcalde, Santi Domínguez, salientou este mércores o prestixio que aporta ao Racingshow 2010 a presenza de tres campións internacionais como Timo Salonen, Miki Biasion e Armindo Araujo. A cuarta edición do Racingshow celebrarase o 1 de maio no pavillón 3 do Ifevi, no marco do Salón do Automóbil de Vigo.
martes, 13 abr 2010
O concelleiro de Deportes, Xabier Alonso, presentou este martes a XXIII Festa do Kárate, que terá lugar o sábado 17 de abril no pavillón de Bouzas a partir das 17 horas. Na súa intervención, o concelleiro destacou que o evento reunirá a 300 xóvenes deportistas, de entre 5 e 17 anos, e 30 deportistas veteranos, de máis de 50 anos.
luns, 12 abr 2010
Os concelleiros de Deportes, Xabier Alonso, e Cultura, Xesus López, presentaron este luns unha nova edición do programa "Camiña e coñece", que o vindeiro domingo, 18 de abril, percorrerá a parroquia de Bembrive. Para participar nesta iniciativa que comezou no 2007, non é preciso inscribirse previamente.
luns, 12 abr 2010
O tenente de alcalde, Santi Domínguez, asegurou este luns que a construción do novo complexo de auga ubicado na Praza da Tellada (nas inmediación da Praza da Miñoca) está xa nos últimos meses de execución, polo que estará en funcionamento tras o verán. Na visita ás novas instalacións deportivas, na que tamén participou o concelleiro de Deportes, Xabier Alonso, o edil destacou que esta actuación supón un investimento de 10,3 millóns de euros e vai ser un dos maiores complexos de auga da cidade.
mércores, 7 abr 2010
O tenente de alcalde, Santi Domínguez, e o concelleiro de Deportes, Xabier Alonso, presentaron este mércores o novo complexo deportivo de Barreiro, que conta cun orzamento de 1.130.000 euros con cargo ao Plan FEIL 2010. Segundo Santi Domínguez, este polideportivo ubicado nunha gran zona verde, completa a oferta deportiva de Lavadores, xa que ao seu carón se atopa o complexo de auga, e responde ás necesidades da veciñanza.
venres, 26 mar 2010
O secretario xeral de Cooperación Local do Ministerio de Política Territorial, Gaspar Zarrías, visitou hoxe as obras do pavillón polideportivo e campo de fútobl de herba sintética que se están a construír en Navia con cargo aos fondos do Plan E. As novas infraestruturas deportivas, cun investimento cercano aos 6 millóns de euros, estarán rematadas no mes de xuño.
