xoves, 11 set 2008
O Club Deportivo Amfiv contará con novo patrocinador para disputar a División de Honra de baloncesto en cadeira de rodas e a competición europea para a temporada 2008/09, que comezará en outubro próximo. Así o anunciou hoxe o tenente de alcalde, Santiago Domínguez, en rolda de prensa na que estivo acompañado polo concelleiro de Deportes, Xabier Alonso, o presidente do club, Pablo Beiro, e o socio único de Aldasa, a empresa que se encargará do mecenado, José González.
xoves, 11 set 2008
Para os tres días que dura a disputa do Campionato do Mundo de Powerboat, Capitanía Marítima de Vigo e a organización dispuxeron unha zona de seguridade na Ría convenientemente sinalizada por aboias para salvagardar o percorrido e permitir que quen o desexe poida seguir as competicións desde o mar. Recoméndanse tamén diferentes alternativas para o seguimento das probas desde distintos puntos da cidade.
mércores, 10 set 2008
Máis de trinta clubs de toda España inscribíronse para disputar en Vigo a terceira edición do Campionato de España de kaiak de mar este sábado, con saída ás 17.30 horas do peirao de Bouzas.
martes, 9 set 2008
O Gran Premio Turismo de Vigo, proba do Campionato do Mundo de powerboat, disputarase do 12 ao 14 deste mes no porto e ante a praia de Samil, e será a única cita do calendario do Mundial, que xa celebrou catro probas (San Benedetto, Marsella, A Valletta e Hammamet) e ao que tras Vigo lle quedarán as de Portimao (Portugal) e Manama (Bahrein).
luns, 8 set 2008
A IV edición do Trofeo Cidade de Vigo de baloncesto masculino dispútase este mércores no pavillón central das Travesas (20.00 horas) con formato de tres por un. Ovarense, campión de Portugal, Beirasar Rosalía, equipo santiagués de LEB Ouro, e o Gestibérica, conxunto vigués de LEB Prata, buscarán a vitoria despois de que nas anteriores edicións o torneo fose para o Breogán lucense (2004 e 2005) e o Gestibérica (2007).<br />
martes, 2 set 2008
Vigo comunicará oficialmente ao Consello Superior de Deportes antes do 5 de setembro que a cidade optará de novo a ser sede da Universiada, neste caso na que se celebrará no ano 2015. A decisión adoptouse tras a reunión que mantivo hoxe a Plataforma Cidadá da Universiada, na que se fixo unha valoración moi positiva do traballado desenvolvido no primeiro intento.
mércores, 27 ago 2008
O alcalde de Vigo, Abel Caballero, o tenente de alcalde, Santi Domínguez, e o concelleiro de Deportes, Xabier Alonso, amosaron este mércores o máximo apoio do Concello de Vigo ao Gestibérica no acto de presentación equipo e corpo técnico para a temporada 2008-2009. Os tres representantes municipais coincidiron en sinalar que o Gestibérica representa a aspiración da cidade de Vigo de ter un equipo de baloncesto masculino na máxima categoría.
venres, 22 ago 2008
Xabier Alonso, concelleiro de Deportes, remitiu hoxe con carácter urxente unha carta ao presidente da Federación Galega de Fútbol, Carlos Meana, para coñecer a situación do campo federativo de Coia, proxectado, construído e xestionado pola propia federación desde hai 35 anos, e do que ao Concello chegaron noticias non oficiais sobre o seu posible peche.<br />
venres, 22 ago 2008
A selección de Israel é un dos pratos fortes do V Díptico Ciclista Internacional que este fin de semana disputarase en Vigo e percorrerá ata catorce concellos e no que participarán máis de cen ciclistas da categoría elite/sub 23.
xoves, 21 ago 2008
O XXXVIII Trofeo Cidade de Vigo de fútbol dispútase este sábado 23 no estadio municipal de Balaídos ás 21.00 horas con Celta e Sparta de Róterdan en pugna pola tradicional "uve" característica que se entrega ao vencedor do torneo. Organizado polo Concello e patrocinado polo Corte Inglés e Coca Cola, o encontro supón a presentación de todas as fichaxes celestes ante a afección nunha tempada na que o Celta "debe recuperar o seu espazo deportivo en Primeira", asegurou o concelleiro de Deportes, Xabier Alonso, na rolda de prensa celebrada na casa consistorial.
