luns, 20 xul 2015
Abel Caballero felicitou esta mañá as xogadoras do Alerta Navia Fútbol, gañadoras da copa Federación de Galicia de fútbol feminino e campionas da Liga Autonómica B. Durante a recepción a estas deportistas, que veñen de ascender á Primeira Liga Autonómica, o rexedor subliñou a importancia do fútbol feminino e lembrou a implicación do Concello coas políticas de igualdade, dous días despois de recibir en Madrid o galardón Rosa Manzano, convertíndose Vigo na única cidade premiada con este recoñecemento ás políticas en defensa das mulleres.
mércores, 15 xul 2015
Así o avanzou no acto de inauguración do campo federativo de fútbol de Coia, remodelado integralmente. O alcalde apuntou que este mesmo mércores abordou co edil de Facenda unha "reforma urxente para aumentar de forma importante, xa este mesmo ano, os recursos" para os clubs e o deporte de base vigués. Segundo explicou Caballero, en dous meses podería estar dispoñible a nova dotación orzamentaria.
venres, 10 xul 2015
O alcalde asinou esta mañá un convenio cos reponsables do Sporting Club Comesaña de Atletismo, que este ano celebra o seu centenario. O Concello aportará 8.000 euros para colaborar coas actividades que a entidade vai desenvolver con motivo da efeméride.
xoves, 9 xul 2015
O Gran Premio Cidade de Vigo de atletismo, que conta con 200 inscritos, comezará este sábado ás 19:00 horas nas pistas municipais de Balaídos. A entrada será gratuíta.
xoves, 9 xul 2015
O programa Verán Deportivo, en Samil, chega ao seu fin coa disputa do XIII Trofeo Cidade de Vigo de fútbol praia esta fin de semana nas instalacións de Vigoarena, o espazo acoutado no areal vigués para diversas modalidades deportivas de praia. O torneo está auspiciado pola Federación Galega de Fútbol e incluído no campionato autonómico desta disciplina.
xoves, 9 xul 2015
O concelleiro de Deportes, Manel Fernández, e representantes do Club de Remo Coruxo, o seu presidente Darío Fernández e o remeiro David Serodio, presentaron a XXIII Bandeira Concello de Vigo, que este ano volve á máxima categoría da Liga Galega, a división A, tras acadar o club do Vao o ascenso á mesma.
mércores, 8 xul 2015
Caballero e Louzán asinaron hoxe mércores o convenio que garante a reforma integral do estadio de Balaídos. Durante este acto "histórico", o alcalde avanzou que as previsións pasan porque esta infraestrutura deportiva esté completamente remodelada ao longo da tempada 2017/2018.
venres, 3 xul 2015
Abel Caballero e Francisco Soto Barilac, delegado en Vigo do Comité Galego de árbitros de fútbol, asinaron esta mañá un convenio que permitirá a estes profesionais usar sen custo as pistas de atletismo de Balaídos. Para os seus adestramentos. O Concello autoriza a este colectivo o uso destas instalacións entre as 20,00 e as 22,00 horas, os luns, mércores e venres.
venres, 3 xul 2015
Manel Fernández, concelleiro de Deportes, presentou hoxe a terceira edición do Torneo Concello de Vigo de pádel, acompañado polo presidente do Club Barreiro Pádel, Antonio Amaro, así como o director técnico de Máis que Auga, Francisco Cortegoso, e o responsable deste deporte nos complexos MQA, Xoel Tejo.
martes, 30 xuñ 2015
O alcalde de Vigo, Abel Caballero, asinou hoxe un convenio de colaboración co tenista Martín de la Puente, ao que o Concello apoiará no seu camiño cara aos Xogos Paralímpicos de Río 2016.
