martes, 6 mai 2014
A explanada do Náutico será o escenario dun festival que xa é referente internacional no ámbito dos deportes de acción e cultura urbana. O Marisquiño, cualificado polo alcalde de Vigo como "o acto máis importante a nivel económico, é o evento que máis turistas achega á cidade en todo o ano, segundo apuntou o rexedor. Serán 8, 9 e 10 de agosto os días escollidos para esta festa do skate, e agárdase o dobre de público asistente en relación á pasada edición, grazas, entre outras novidades, á celebración dentro do O Marisquiño da Copa do Mundo de Skateboard.
luns, 5 mai 2014
O alcalde de Vigo, xunto co adestrador do Celta Indoor, Moncho Carnero, e algúns dos xogadores do conxunto vigués, invitou a toda a cidadanía a participar dun encontro, que de gañarse, podería dar o pase a semifinais ao conxunto de veteráns celestes. A cita será este venres, 9 de maio, ás 20,45 da tarde no Pavillón de As Travesas.
xoves, 24 abr 2014
Esta fin de semana, os pavillóns de Navia e Lavadores acollen as primeiras fases do Campionato de España Xuvenil de Balonmán, masculino e feminino, nos que os vigueses Academia Octavio e o Balonmán Lavadores participan, respectivamente, como campións galegos. De sair vencedores disputarán a fase final do Campionato.
xoves, 24 abr 2014
O concelleiro de Fomento participou hoxe xoves na presentación da 7ª edición de A Pedaliña, unha actividade de promoción do uso da bicicleta, organizada en colaboración con A golpe de pedal. O sábado 26 de abril haberá actividades lúdicas no Castro e o domingo 27 sairá as 11,00 horas unha marcha en bicicleta que partirá da Porta do Sol.
martes, 22 abr 2014
O alcalde recibiu e felicitou ao club vigués de loita San Ignacio, que ven de proclamarse no mes de marzo campión de España en categoría senior feminina e subcampión junior, en Madrid. Caballero solicitoulles que as sete deportistas ofrezan no verán unha exhibición no centro da cidade.
xoves, 3 abr 2014
Os días 12 e 13 de abril, os montes de Coruxo acollerán unha proba de Descenso -especial polo 15º aniversario do Cidade de Vigo de Mountain Bike- puntuable para o Open de España de DH, cunha participación estimada de 200 ciclistas. O alcalde invitou á cidadanía a presenciar a modalidade "máis espectacular do Mountain Bike".
xoves, 27 mar 2014
Abel Caballero presentou hoxe venres os catro roteiros incluidos este ano no Programa Bici-Rutas, organizado polo Club Ciclista Vigues en colaboración co Concello. A primeira será o domingo 30 de marzo e descurrirá pola Senda da Auga.
venres, 21 mar 2014
Seis carreiras organizadas desde o próximo domingo 23 de marzo e o 12 de outubro contarán coa participación de máis de tres mil nenos e nenas. O Concello colabora, un ano máis, na organización do programa de crosses escolares de Vigo co obxectivo de fomentar o atletismo, unha actividade física "educativa e saudable".
xoves, 20 mar 2014
O alcalde presentou o Trofeo Cidade de Vigo de patinaxe que esta fin de semana achegará ao Pavillón de As Travesas a máis de 600 deportistas. Organizado polo Coruxo FC coa colaboración do Concello de Vigo, este evento deportivo -clasificatorio para o torneo europeo- reunirá a 42 clubes procedentes de toda España.
venres, 14 mar 2014
A Gran Gala do Deporte de Vigo e a súa comarca, que na súa décimo-quinta edición premia aos e ás mellores de 2013, terá lugar o xoves 20 de marzo ás 20,00 horas no Centro Cultural Novacaixagalicia. Este ano o evento contará cunha actuación da Escola de Arte Dramático.