mércores, 23 xul 2014
O rexedor informou este martes da aprobación dos expedientes de contratación de obras de mellora nos campos de fútbol das Travesas e de Samil, ademais dos da construción dun máis nas instalacións da antiga ETEA, en Teis. Caballero anunciou tamén o arranxo dos vestiarios do campo da Guía. O investimento municipal nestas catro accións en materia deportiva de base ascende a case un millón de euros.
martes, 22 xul 2014
O alcalde de Vigo, Abel Caballero, participou este martes na presentación do Trofeo Zona Franca que enfrontará ao Real Club Celta e o Rápido de Bouzas, dentro dos actos programados para conmemorar o centenario do club aurinegro. O encontro xogarase o martes, 29 de xullo, no municipal de Barreiro.
venres, 18 xul 2014
O Gran Premio Cidade de Vigo disputa este sábado (19:00 horas, pistas de Balaídos) a súa trixésima quinta edición co Concello de Vigo como piar e sustento do evento co seu apoio económico, abonando íntegramente os premios en metálico (3.900 euros) para os campións e segundos clasificados de cada proba, salvo o 1.000 e a pértiga feminina, que reciben trofeo.
luns, 14 xul 2014
A Xunta de Goberno Local validou os proxectos de convenio para completar a achega municipal deste ano ás entidades deportivas viguesas de elite, unha subvención de case 450.000 euros a clubs "para atención aos seus ámbitos deportivos de base", explicou Abel Caballero.
venres, 11 xul 2014
O alcalde da cidade, Abel Caballero, anunciou que a XXII Bandeira Concello de Vigo de traiñeiras, que se presentou hoxe en Alcaldía, será "un evento deportivo singularmente importante" no que por vez primeira o club vigués organizador, C.R. Coruxo, ten opcións serias de gañala dende que en 2011 disputouse por vez primeira ante a praia de O Vao.
xoves, 10 xul 2014
O alcalde participou na presentación da proba, que terá lugar o 3 de agosto na praia do Vao, e salientou que Vigo forma parte da "elite" dos circuitos de travesía a nado de España grazas á XXXVI Travesía a Nado El Corte Inglés. O 31 de xullo péchase a inscripción tanto para a popular como para a proba de Augas Abertas.
mércores, 9 xul 2014
O alcalde informou hoxe mércores da aprobación das bases para concorrer á convocatoria municipal de subvencións a entidades deportivas sen ánimo de lucro, cun total de 430.500 euros de orzamento. O apoio directo da administración local aos clubs da cidade supera o millón de euros.
xoves, 3 xul 2014
A patinaxe freestyle aterra en Vigo por vez primeira a nivel de Campionato de España. A sexta edición dun evento polo que puxaban cidades como Barcelona ou Valencia celébrase esta fin de semana no Multiusos de Navia baixo a organización do Freestyle Slalom Vigo e o patrocinio do Concello de Vigo a través da Concellería de Deportes.
mércores, 2 xul 2014
O alcalde mantivo unha reunión co presidente da entidade, Gustavo Falque, de cara a analizar o programa deportivo futuro do Coruxo. O Concello colabora de forma "moi importante" co club, que agora ten "maior carencia e maior necesidade", polo que o Concello estudará "como lle facemos fronte", explicou.
xoves, 26 xuñ 2014
Na tarde deste xoves tivo unha reunión entre o alcalde e representantes dos clubs integrados en Siareiros, unha iniciativa deportiva municipal que conta cunha achega de 70.000 euros. Abel Caballero explicou que son 12 os equipos de elite e 18 os de base que forman parte no programa.
