xoves, 10 xul 2014
O alcalde participou na presentación da proba, que terá lugar o 3 de agosto na praia do Vao, e salientou que Vigo forma parte da "elite" dos circuitos de travesía a nado de España grazas á XXXVI Travesía a Nado El Corte Inglés. O 31 de xullo péchase a inscripción tanto para a popular como para a proba de Augas Abertas.
mércores, 9 xul 2014
O alcalde informou hoxe mércores da aprobación das bases para concorrer á convocatoria municipal de subvencións a entidades deportivas sen ánimo de lucro, cun total de 430.500 euros de orzamento. O apoio directo da administración local aos clubs da cidade supera o millón de euros.
xoves, 3 xul 2014
A patinaxe freestyle aterra en Vigo por vez primeira a nivel de Campionato de España. A sexta edición dun evento polo que puxaban cidades como Barcelona ou Valencia celébrase esta fin de semana no Multiusos de Navia baixo a organización do Freestyle Slalom Vigo e o patrocinio do Concello de Vigo a través da Concellería de Deportes.
mércores, 2 xul 2014
O alcalde mantivo unha reunión co presidente da entidade, Gustavo Falque, de cara a analizar o programa deportivo futuro do Coruxo. O Concello colabora de forma "moi importante" co club, que agora ten "maior carencia e maior necesidade", polo que o Concello estudará "como lle facemos fronte", explicou.
xoves, 26 xuñ 2014
Na tarde deste xoves tivo unha reunión entre o alcalde e representantes dos clubs integrados en Siareiros, unha iniciativa deportiva municipal que conta cunha achega de 70.000 euros. Abel Caballero explicou que son 12 os equipos de elite e 18 os de base que forman parte no programa.
xoves, 26 xuñ 2014
Un total de 450 maiores de 65 anos participaron desde o mes de setembro no programa de actividade física para a terceira idade. O rexedor participou hoxe na clausura desta iniciativa municipal que oferta cursos de natación e ximnasia nas intalacións de Lavadores, Teis e As Travesas.
xoves, 26 xuñ 2014
O alcalde de Vigo, Abel Caballero, presentou hoxe a decimocuarta edición da Vigo Cup, prevista do vindeiro luns día 30 ao 6 de xullo para fútbol (sub 14 e sub 16) e fútbol 7 (sub 7, sub 8, sub 10, sub 12 e Damas). O tradicional campionato, torneo internacional de fútbol base, é non só "un gran evento deportivo", explicou o rexedor, senón tamén "unha mobilización masiva en torno ao fútbol", organizada polo Concello a través da colaboración da Concellería de Deportes, a Fundación VIDE e o IMD.
xoves, 19 xuñ 2014
O Campionato de España de ximnasia acrobática recibirá nas Travesas este venres e sábado a máis de 250 deportistas de oito clubs pertencentes a catro comunidades autónomas (Madrid, Andalucía, Valencia e Galicia), nun evento que o alcalde de Vigo, Abel Caballero, definiu como "case inconcibible e imposible de imaxinar", polo que pediu que a cidadanía se envorque con "este deporte de beleza excepcional".
mércores, 18 xuñ 2014
A Nocturna de San Xoán regresa este luns (21:15 horas) para disputar a trixésima primeira edición desta proba atlética co percorrido habitual: dende o Paseo de Granada (á altura do Concello) ata os soportais do Berbés, coa única variación de que o final de Tomás A. Alonso, en obras de humanización, esquívase por Camilo Veiga.
luns, 16 xuñ 2014
As obras de construcción do complexo deportivo e da escola infantil de Navia avanzan a bo ritmo, segundo avanzou esta mañá de luns o rexedor. Tal e como indicou, o novo centro escolar podería estar operativo a comezos do ano que ven.