mércores, 23 abr 2014
Este mércores, 23 de abril, 48 bibliotecas de museos e centros de arte e cultura inundarán as cidades de libros con motivo da celebración do Día Internacional do Libro. Estes centros únense nunha experiencia de Bookcrossing na que liberarán máis de 2.500 volumes relacionados con diferentes disciplinas. O MARCO únese, un ano máis, a esta experiencia e liberará un total de 80 catálogos en distintos puntos da cidade de Vigo, nunha iniciativa promovida pola Biblioteca-Centro de Documentación do Museo. A solta de libros iniciarase ás 11.00 da mañá fronte á fachada principal na rúa Príncipe.
mércores, 23 abr 2014
Caballero participou este mércores na presentación de Phanomenta, desde hoxe e ata o 3 de maio no Centro Comercial Gran Vía. Esta mostra educativa, que chega a Vigo despois de pasar por 100 centros de toda Europa, invita ao público a interactuar con 13 actividades e comprobar o funcionamento das leis físicas da naturaza.
mércores, 16 abr 2014
O alcalde rubricou este mércores dous convenios para a organización este ano dos programas "Vigo, un mar de bandas" e "Vigo, un mar de corais", que suman case que 200 actuacións na cidade. O goberno local adica ao efecto máis de 170.000 euros.
mércores, 9 abr 2014
O alcalde de Vigo e o propio bailarín e coreógrafo presentaron este mércores no Concello a nova montaxe de Amargo, con estrea o 12 de abril no Mar de Vigo. O espectáculo inclúe música, baile e poesía e suma a presencia de Laura Llader e os nenos do Pelouro. O artista cederá os seus honorarios ao Centro de Innovación e Investigación Psicopedagógica O Pelouro.
xoves, 3 abr 2014
O Museo Liste-Etnográfico de Vigo e o Centro de Artesanía Tradicional (CAT)presenta a súa programación para o segundo trimestre do ano que contará coa exposición permanente, exposicións temporais, obradoiros, talleres e actividades especiais.
xoves, 3 abr 2014
Na sede da Escola Municipal de Artes e Oficios, Abel Caballero entregou este xoves os premios e diplomas aos distinguidos polo xurado polo concurso de carteis da Pedaliña 2014, unha iniciativa de A Golpe de Pedal co apoio do Concello de Vigo en torno á bicicleta, a celebrarse a fin de semana do 26 de abril.
mércores, 2 abr 2014
Para festexar o Día do Libro Infantil e Xuvenil que se celebra o día 2 de abril, a biblioteca Xosé Neira Vilas realiza unha mostra bibliográfica durante todo este mes relacionada co mundo dos contos, así como o obradoiro "Animalario Fantástico".
martes, 1 abr 2014
Este venres, día 4 de abril, ás 21:00 h, arranca no Auditorio Municipal do Concello (praza do Rei, 1) unha nova tempada da programación municipal de artes escénicas, Vigocultura, coa representación da obra "As do peixe", da compañía Abrapalabra Creacións. O programa desenvolverase todos os venres e domingos de abril e maio, ata o 1 de xuño.
xoves, 27 mar 2014
A festa da Reconquista da Vila de Vigo contará este ano cun día máis de celebración, tres xornadas de actos, deste venres ao domingo, que incluirá as tradicionais representacións, postos no Casco Vello, concertos e animación de rúa. O Concello incrementa en 2014 o financiamento da cita, ata os 85.000 euros.
mércores, 26 mar 2014
O xoves, 27 de marzo, conmemórase esta efeméride que a Escola Municipal de Teatro está a celebrar durante esta semana con dous actos, un celebrado o pasado martes e a estrea da representación de "O Teatro en Granell", este xoves, con entrada gratuita.