Abel Caballero informou este martes da aprobación do convenio de apoio a O Marisquiño, o evento dos que se celebran cada ano en Vigo que atrae máis persoas á cidade. O alcalde valorou a aportación municipal nuns 75.000 euros en total, sumando a achega da seguridade e a cesión durante tres días do Auditorio Mar de Vigo.
As proxeccións do terceiro festival de filmes Primavera do Cine en Vigo comezarán mañá mércores nos auditorios do Concello de Vigo e do MARCO, e finalizarán o próximo domingo 8 de xuño. Durante a presentación do programa, o rexedor sumouse aos organizadores ao ratificar o carácter reflexivo deste festival .
Desde hoxe martes, e ata o 29 de xuño, o Concello de Vigo oferta visitas guiadas á exposición ubicada na Casa das Artes, tanto con cita previa como para o público presente na sala. A mostra encádrase no labor do Concello de Vigo de difusión e recuperación do arquivo.
O programa de artes escénicas e cinema ‘Material Memoria’, comisariado por Pablo Fidalgo Lareo, que se desenvolveu en paralelo á exposición ‘VERANEANTES’, complétase esta fin de semana coa proxección do filme El futuro, primeira longametraxe en solitario de Luis López Carrasco, membro fundador do colectivo audiovisual Los Hijos. Proxeccions venres 30 e sábado 31 de maio,ás 19.30 horas no Patio 1 (planta baixa)entrada gratuía,prazas limitadas ata completar aforo.
Do 4 e 8 de xuño celebrase a III edición do Festival Primavera do Cine en Vigo organizado polas agrupacións culturais Musiquina 33mg e O Reencanto, coa colaboración da Concellería de Cultura e Festas. As proxeccións terán lugar no salón de actos do Marco e no Auditorio Municipal do Concello.
A praza de Compostela acolle a Feira do Libro Novo de Vigo entre os días 23 de maio e 1 de xuño que contará coa presenza das dúas bibliotecas públicas da cidade, a Biblioteca Pública Juan Compañel maila Biblioteca Municipal "Neira Vilas".
A Casa das Artes acolle do 21 de maio ao 15 de xuño a exposición "Pacheco. A memoria dun tempo e dun pais"na que se fai un percorrido pola memoria das xentes, rúas e acontecementos históricos e cotiáns da cidade de Vigo.
O Goberno local aprobou unha subvención de 605.000 euros para a Fundación MARCO, o que supón máis do 70% do seu orzamento. O alcalde lembrou que outras administracións recortaron a súas achegas -Xunta e Ministerio de Cultura-, mentres que outras as abandonaron, en referencia á Deputación de Pontevedra.
Destacados nomes da cultura como Uxía Blanco, Manuel Bragado, Puri del Palacio, Carlos Núñez e Antón Pulido, entre outros, colaboran co goberno de Vigo na definición do "primeiro cuarto de século" da rede de museos de Vigo. Caballero anunciou que Vigo súmase esta fin de semana ao Día Internacional dos Museos con ampliación de horarios, entrada gratuita e actividades específicas.
Como cada ano dende 1977, o ICOM (Consello Internacional de Museos) invita aos museos do mundo enteiro a celebrar o Día Internacional do Museo, creado para promover o interese xeral pola xestión e as actividades dos museos e centros de arte. O lema para o DIM 2014 é ‘Os vínculos creados polas coleccións dos museos’, que pretende renovar os métodos tradicionais de participación que implementaron os museos para manter vivo o interese do público. Os museos enfróntanse constantemente a cambios que os obligan a reformular o seu compromiso tradicional e atopar novas formas de accesibilidade e comunicación, no seu papel de relatores do patrimonio cultural e da memoria colectiva dunha comunidade.