xoves, 27 feb 2014
Esta fin de semana continúa no Patio 1 do MARCO o ciclo ‘Material Memoria’ con dúas propostas escénicas. O venres, nova presentación de ‘O estado salvaxe. Espaha 1939’, de Pablo Fidalgo Lareo —estreada durante a inauguración da exposición VERANEANTES e que marcou o inicio do ciclo en outubro— e o sábado, lectura de poemas comentada de Olga Novo, baixo o título ‘Intrahistoria dos meus’.
xoves, 20 feb 2014
O venres 21 de febreiro, ás 22:00 h, o grupo Love of Lesbian actuará no Auditorio do Pazo de Congresos de Vigo, retomando o concerto previsto no programa Vigo en Festas que fora suspendido o pasado 26 de xullo polo accidente ferroviario acontecido en Santiago de Compostela. Así os e as fans dunha das bandas máis de moda no panorama indie actual poderán gozar do esperado concerto.
xoves, 20 feb 2014
O vindeiro 21 de febreiro celebrarase a tradicional comida homenaxe a Laxeiro en Vigo. Como ven sendo habitual, ese día reuniranse amigos de Laxeiro e persoeiros da cultura, a política e o mundo empresarial para lembrar ao singular artista o día no que cumpriría 106 anos. A coincidencia do 23 de febreiro, a data do nacemento de Laxeiro, en domingo, fixo que se adiantara a celebración deste emotivo acto ao venres, 21 de febreiro
Este xoves e venres, dentro do ciclo ‘Material Memoria’ Montserrat, de Gabino Rodríguez [Lagartijas tiradas al sol]<br />
E o sábado, proxección da película Los mejores temas, de Nicolás Pereda
mércores, 19 feb 2014
Este xoves e venres, o mexicano Gabino Rodríguez (da compañía Lagartijas tiradas al sol) chega a Vigo para presentar a súa obra Montserrat, unha proposta escénica que se enmarca no ciclo ‘Material Memoria’, comisariado por Pablo Fidalgo Lareo dentro da exposición VERANEANTES. Ao día seguinte, sábado, o programa continúa coa proxección do filme Los mejores temas, de Nicolás Pereda, una coprodución de México, Canadá e Países Baixos, na que o propio Gabino Rodríguez encarna a un dos protagonistas.
venres, 14 feb 2014
A Concellería de Cultura e Festas, xunto coa comisión organizadora do ENTROIDO 2014, composta pola Agrupación de Centros Deportivos e Culturais maila Federación de Peñas Recreativas "El Olivo", convoca os tradicionais concursos incluídos no programa, que terá lugar do 28 de febreiro ao 5 de marzo.
venres, 14 feb 2014
Esta fin de semana continúa no Patio 1 da planta baixa do MARCO ‘Material Memoria’, o programa de artes escénicas e cinema comisariado por Pablo Fidalgo Lareo dentro da exposición VERANEANTES. Nesta ocasión, coa proxección do filme VidaExtra, de Ramiro Ledo.Pases o venres 15 e sábado 16 de febreiro, ás 19.30.
mércores, 12 feb 2014
Durante o mes de febreiro exporase na biblioteca unha mostra bibliográfica relacionada co mundo da pintura, en especial a pintura dos séculos XIX e XX e as diferentes correntes artísticas das vangardas que deron en chamarse "ISMOS".
martes, 4 feb 2014
Abel Caballero informou este martes do pagamento de 151.000 euros ao Museo de Arte Contemporáneo de Vigo, o último correspondente ao 2013 dos 605.000 euros que cada ano achega o Concello ao Padroado do MARCO. O goberno local sustenta "na súa práctica totalidade" este recinto cultural.
luns, 3 feb 2014
Abel Caballero avanzou que no próximo mes de maio figuras de recoñecido prestixio da danza urbana internacional se darán cita en Vigo no marco do Segundo Encontro Internacial desta modalidade artística. Os organizadores xa están a traballar na posta en marcha dun "gran evento" que concitará o interese de bailaríns de todo o mundo.
luns, 3 feb 2014
No seu afán de converterse nun centro de referencia, formación e información da cidade, a Biblioteca Xosé Neira Vilas exporá nas súas instalacións unha mostra ao redor do patrimonio de Vigo. Partindo do exemplo de Coia verase como cambia un barrio ao longo da historia. Esta actividade compleméntase cunha serie de conferencias e unha actividade para público infantil. Do 3 de febreiro ao 1 de marzo