xoves, 13 mar 2014
A tenente de alcalde, Carmela Silva, e o concelleiro de Cultura, Cayetano Rodríguez, presentaron este xoves os 18 espectáculos que acollerá o recinto desde o 4 de abril ao 1 de xuño. Para público infantil e adulto, o goberno local dúas funcións de circo ás habituais representacións teatrais, musicais, de danza e de maxia. Os abonos e entradas, á venda en taquilla, na Central de Espectáculos e en Servinova.
mércores, 12 mar 2014
A Concellería de Cultura e Festas colabora unha vez máis co Festival Alternativo das artes escénicas ALT'14, que terá lugar do 13 ao 16 de marzo, en distintos espazos de xestión municipal: auditorio municipal do Concello, Casa das Artes e salón de actos do MARCO. O festival está organizado pola Asociación Cultural Noescafé Teatro e cumpre trece anos dende o seu nacemento, contando co apoio municipal de forma ininterrumpida.
En colaboración coa Galería Montenegro
mércores, 12 mar 2014
No seu conxunto, a exposición mostra as diversas liñas de traballo que caracterizan a obra de Souto: a estética granítica, o tratamento da luz e a cor, as composicións complexas con primeiros planos e<br />
perspectivas en fuga, a combinación entre escenas de interior e de exterior nunha mesma obra e a esquematización dos personaxes.
martes, 11 mar 2014
O Museo Liste acolle unha a exposición temporal "Hijas de J.Nieto: un oficio singular, fabricantes de símbolos" no que se propoón un percorrido a través do proceso de elaboración dos selos de caucho máis representativos da industria viguesa e da súa área de influencia.
luns, 10 mar 2014
A Concellería de Cultura e Festas, dentro da súa política de apoio ás iniciativas do audiovisual galego, volve a colaborar coas agrupacións culturais galegas Musiquina 33mg e O Reencanto producións na terceira edición do Festival Primavera do Cine en Vigo, no que os creadores poderán exhibir as súas obras e optar aos galardóns segundo a súa categoría en competencia. O festival desenvolverase entre o 4 e o 8 de xuño.
venres, 7 mar 2014
Carmela Silva e Cayetano Rodríguez presentaron xunto a Lola Correa, directora artística do Festival, a décimo terceira edición do Festival, que se celebrará do 13 ao 16 de marzo en distintos espazos municipais. O Concello colabora co ALT desde o seu inicio hai trece anos.
xoves, 6 mar 2014
O Concello de Vigo, mediante o departamento de Cultura e Festas, colabora no concerto de Damien Jurado, que terá lugar o venres 7 de marzo, ás 21:00 h, no Auditorio Municipal do Concello (Praza do Rei, 1), organizado por Categórica Produccións.
xoves, 6 mar 2014
Esta fin de semana péchase no MARCO unha fase do ciclo ‘Material Memoria’, o programa de artes escénicas e cine que se ven desenvolvendo en paralelo á exposición VERANEANTES, cunha actuación conxunta de Fon Román e Pablo Fidalgo, e un concerto de Fon Román, ambos os dous no salón de actos.
xoves, 6 mar 2014
A tenente de alcalde, Carmela Silva, e o responsable de ACOPOVI, Enrique Lorenzo, presentaron hoxe xoves a oitava edición do Festival de Habaneiras e Polifonía Cidade de Vigo, que se traslada ao Auditorio Mar de Vigo. 39 corais actuarán de balde do 9 de marzo ao 1 de xuño e o goberno local disporá un servizo especial de autobuses.
venres, 28 feb 2014
A Concellería de Cultura e Festas, en colaboración coa Agrupación de Centros Deportivos e Culturais e maila Federación de Peñas Recreativas "El Olivo", organizan do ENTROIDO 2014, que terá lugar do 28 de febreiro ao 5 de marzo, en distintos espazos da cidade. O programa comeza o venres 28 con murgas e charangas polo centro da cidade e os tradicionais "merdeiros" polo barrio histórico, a partir das 19:00 h; ás 19:30 h, a Escola Municipal de Teatro realizará na praza da Constitución o espectáculo manipulación. Ás 20:00 h, terá lugar a "Entronización do Meco" na Porta do Sol, para continuar ás 20:30 h co pregón, a cargo de Vigópolis.