venres, 17 xan 2014
O xoves 23 de xaneiro, ás 21:00 h terá lugar no Auditorio Municipal do Concello (Praza do Rei, 1) o concerto do artista DORIAN WOOD, dentro do Festival Sinsal12, que conta coa colaboración da Concellería de Cultura e Festas. O Concello de Vigo apoia así unha vez máis unha das iniciativas musicais máis importantes da cidade, que se ven consolidando ano tras ano, a través de novidosas iniciativas, a fidelidade dun público e a calidade das súas propostas artísticas.
venres, 17 xan 2014
O Cine Clube Lumiere coa colaboración da Concellería de Cultura e Festas propón para o luns, día 20, a proxección do documental "Entreparadas" ás 20.30 horas no auditorio municipal do Concello. Entreparadas é unha iniciativa solidaria que puxo en marcha a Asociación de Prevención de Accidentes de Tráfico P(A)T Galicia co obxectivo de implicar a 16 persoas anónimas nun proxecto que cambiou formas de vivir e de ver as cousas.
xoves, 16 xan 2014
A Biblioteca Pública Juan Compañel programa no o mes de xaneiro actividades para todas as idades: espectáculos de contacontos, narración de contos, obradoiro de ilustración, V concurso de banda deseñada, obradoiro de cómic, clubes de lectural (galego,castellano e ingles) e un curso de internet para maiores de 55 anos. A Biblioteca Pública Juan Compañel está na rúa Joaquín Yáñez 6.
Venres 17 e sábado 18, cunha peza escénica de Miguel Bonneville
xoves, 16 xan 2014
Tras a paréntese das últimas semanas, este venres e sábado reanúdase, ás 19.30 horas, no Patio 1 do MARCO o ciclo ‘Material Memoria’ —programa de artes escénicas e cine comisariado por Pablo Fidalgo Lareo dentro da exposición VERANEANTES—, cunha peza escénica do creador portugués Miguel Bonneville.<br />
ENTRADA GRATUÍTA. Prazas limitadas ata completar aforo<br />
xoves, 16 xan 2014
O goberno local deu luz verde á adxudicación da xestión da Biblioteca Neira Vilas, do espazo Vigosónico e dos servizos de vixiancia e seguridade da rede museística da cidade. Así o avanzou o rexedor durante unha rolda de prensa na que cifrou en máis de 3 millóns de euros o importe destas decisións.
luns, 13 xan 2014
Este mércores 15 de xaneiro poranse á venda as entradas para o concerto do grupo LOVE OF LESBIAN, que terá lugar o venres 21 de febreiro, ás 22:00 h, no Auditorio do Pazo de Congresos de Vigo (Avenida Beiramar, 59); o concerto desta banda formaba parte do programa de Vigo en Festas que foi suspendido polo accidente ferroviario de Angrois. As entradas poderán adquirirse anticipadamente no servizo de Servinova (www.servinova.com e no teléfono 902.504.500) e na Central de Espectáculos (r/ Velázquez Moreno, 26), e o día do concerto no despacho de billetes do auditorio, a un prezo único de 6 € (máis gastos de xestión).
xoves, 9 xan 2014
O Museo Liste-Etnográfico de Vigo e o Centro de Artesanía Tradicional (CAT), xestionados pola Fundación Liste coa colaboración da Concellería de Cultura e Festas, presenta a súa programación para o primeiro trimestre do ano, que contará coa exposición permanente, exposicións temporais, obradoiros, talleres e actividades especiais.
xoves, 9 xan 2014
A biblioteca Xosé Neira Vilas expón durante o mes de xaneiro unha mostra bibliográfica relacionada co mundo da fotografía: os seus autores, as súas técnicas e a súa evolución poderase observar nesta mostra.
venres, 3 xan 2014
Abel Caballero visitou hoxe no Ifevi as carrozas nas que van percorrer as rúas de Vigo as súas Maxestades de Oriente. Este ano, a comitiva estará formada por 13 carrozas, ademáis de varios grupos de animación, todos eles baixo a temática a obra de Julio Verne. Este ano, como novidade, todo o percorrido da comitiva estará protexido cunhas 1.500 ou 2.000 valas o que "supón un esforzo moi importante" para extremar a seguridade.
mércores, 18 dec 2013
Este xoves, 19 de decembro, ás 20:00 h, a Fundación Laxeiro (r/ Policarpo Sanz, 15, 3º andar) inaugura a primeira exposición individual en España de Elena Lapeña (Madrid, 1964) que, co título Corintia, mostra o seu traballo fotográfico máis recente.
