mércores, 11 feb 2015
O xoves, 12 de febreiro, inaugúrase ás 20:00 h na planta baixa da Casa das Artes a exposición "A máquina de escribir. Colección Sirvent". Promovida pola Concellería de Cultura, Festas e Museos e comisariada por Alfredo Sirvent e Mónica Maneiro, permitirá ao espectador achegarse ao universo da máquina de escribir en relación á súa importancia histórica no desenvolvemento do mundo da industria e o traballo.
martes, 10 feb 2015
O Museo Liste de Vigo abre a convocatoria que rexerá o II Concurso Fotográfico, co que pretende fomentar o coñecemento e a creatividade a través da práctica da fotografía co fin de destacar variados aspectos históricos e etnográficos da nosa cidade. O tema proposto para este ano responde ao lema "Vigo: vestixios do pasado".
venres, 6 feb 2015
O alcalde eloxiou hoxe a orixinalidade de Port Authority, a mostra que ata o próximo 17 de maio se poderá visitar no primeiro andar do Museo MARCO. Os responsables de converter este espazo nun depósito arquivos, fotografías, películas... son os artistas Gintaras Didžiapetris, AaBbPp, Elena Narbutaitė, Rosalind Nashashibi e William Eggleston
mércores, 4 feb 2015
Abel Caballero detallou este mércores o programa municipal para o Entroido 2015 que dará comezo o venres, 13 de febreiro. O pregón correrá a cargo de Mario Vaquerizo, haberá concertos das Nancys Rubias, Kiko Veneno e varias orquestras, actividades infantís en distintos puntos da cidade e unha carreira popular, entre as principais propostas.
xoves, 29 xan 2015
O venres, 30 de xaneiro, a Fundación Laxeiro inaugura a exposición "En tránsito", un proxecto de María Galán (Vigo, 1990) consistente en 120 pinturas que recrean numerosas paisaxes captadas en movemento, durante diversas viaxes que a artista foi realizando ao longo dos últimos anos.
xoves, 29 xan 2015
Esta fin de semana o Auditorio Municipal contará con diversas actividades, que inclúen teatro, música e proxeccións, e que contan coa colaboración da Concellería de Cultura, Festas e Museos:VENRES 30, 21:00 h: PINGA TEATRO, "EGO"SÁBADO 31, 20:30 h: Concerto de LULAVAI - DOMINGO 1, 20:00 h: Proxección curtametraxe "DEBER"
martes, 27 xan 2015
MuMo é un museo móbil presente hoxe e mañá mércores fronte ao MARCO de Vigo, un proxecto didáctico con 14 obras de grandes artistas creadas específicamente para os escolares de entre 6 e 12 anos. O edil de Cultura, Cayetano Rodríguez, eloxiou a parada na cidade dunha iniciativa internacional que en España visita Barcelona, Zaragoza, Madrid, Valladolid e Vigo.
xoves, 15 xan 2015
O Museo Liste-Etnográfico de Vigo e o Centro de Artesanía Tradicional (CAT), xestionados pola Fundación Liste coa colaboración do Concello de Vigo, presenta a súa programación para o cuarto trimestre do ano, que contará coa exposición permanente, exposicións temporais, obradoiros, talleres e actividades especiais.
mércores, 14 xan 2015
Abel Caballero inaugurou este mércores unha nova edición de Mostrarte, o ciclo que leva aos espazos da Alcaldía obras de recoñecidos artistas da cidade. Nesta ocasión, a exposición leva por título Feminino Singular, con 24 obras de 3 creadoras, Pilar Gova, Rosario Palacios e Novais, "cunha visión expresionista excepcional", en verbas do rexedor.
xoves, 8 xan 2015
O alcalde de Vigo eloxiou o funcionamento e os contidos do museo Marco para este ano 2015, tal e como dixo na rolda de prensa de presentación da programación. No encontro cos medios de comunicación, aproveitou para criticar ás administracións que recortaron ou suprimiron a súa cooperación económica co museo vigués, en clara alusión á Xunta, ao Ministerio de Cultura e á Deputación de Pontevedra.
