O Museo Liste-Etnográfico de Vigo e o Centro de Artesanía Tradicional (CAT), xestionados pola Fundación Liste coa colaboración da Concellería de Cultura e Festas, presenta a súa programación para o derradeiro trimestre do ano, que contará coa exposición permanente, exposicións temporais, obradoiros, talleres e actividades especiais.
Hoxe martes 1 de outubro presentouse a primeira edición do festival VertixeVIGO'13, organizado por Musicadhoy S.L., Vértixe Sonora e o Instituto Galego de Sonoloxía; o festival, que conta coa colaboración da Concellería de Cultura e Festas, inaugurarase mañá mércores día 2, ás 20:00 h, no espazo Sirvent (r/ Gran Vía, 129 ) e estenderase ata o 30 de novembro.
O Festival Chámalle X chega á súa décima edición, cunha selección dos artistas galegos que pasaron polo Festival nestes dez años de traxectoria ininterrompida. A xornada de clausura terá lugar o venres 27 ás 20.30 h no salón de actos do MARCO, coa performance titulada ‘EL GUARDIÁN’, de Félix Fernández.
A Biblioteca Municipal "Xosé Neira Vilas", sita na rúa Martínez Garrido 21, presenta a súa programación de outono, para o período outubro-decembro, que inclúe actividades, dirixidas a todos os públicos, e onde destacan as mostras bibliográficas: "SUPERHEROES", do 7 de outubro ao 2 de novembro; "SAMAÍN", do 28 de outubro ao 2 de novembro; "O BO SE BREVE...", do 4 ao 30 de novembro; "DO INCUNABLE AO EBOOK", do 2 ao 30 de decembro; e "NADAL", do 16 de decembro ao 7 de xaneiro.
No acto de inaguración, presidido na tarde de onte xoves polo alcalde de Vigo, déronse a coñecer os tres gañadores e os catro accésits concedidos. A exposición, aberta ata o 13 de outubro, recolle todas as fotografías presentadas baixo os temas "Estrela", "Negra Sombra", "Baleiro" e "Salto"
O venres 27 de setembro, ás 20:00 h, representase no Auditorio Municipal do Concello (praza do Rei, s/n) a obra MOMO, un espectáculo de teatro xestual que xorde da adaptación da novela de Michael Ende. Esta proposta, apta para todos os públicos, fálanos do concepto do tempo e de como é usado polos homes nas sociedades modernas.
Este venres 27 de setembro, ás 20:00 h, inaugurarase na planta baixa da Casa das Artes (r/ Policarpo Sanz, 15) a exposición MAGNIFICAT, organizada polo Santuario da Nosa Señora da Franquiera e coa colaboración da Concellería de Cultura e Festas, co gallo do 50 Aniversario da Coroación Canónica da imaxe de Nosa Señora da Fonte da Franqueira.
Este xoves 26 de setembro, ás 20:00 h, inaugurarase na planta primeira da Casa das Artes a exposición do XVIII MARATÓN FOTOGRÁFICO, organizada pola Agrupación Fotográfica Galega (AFG), coa colaboración da Concellería de Cultura e Festas
O alcalde, Abel Caballero, e o director artístico, Daniel Diz, presentaron a programación de outono da Asociación, co patrocinio do Concello. Ademais de concertos de piano e conferencias, o Centro Cultural Novacaixagalicia acollerá representacións de Manuel de Falla, Sorozabal e Verdi.
O Concello apoia unha "orixinal" iniciativa que pretende estudar as posibilidades de internet para facer música a través dun concerto "dislocado". Tal e como explicou o rexedor logo dun encontro cos promotores, o rexedor explicou que o obxectivo é executar unha obra de xeito simultáneo e en directo, en distintos espazos. En Vigo, será no Marco o venres, ás 19,30 horas.