A Concellería de Cultura e Festas organiza, dentro do programa cultural A Noite Branca, a exposición "NOWHERE. Propostas fóra de lugar", que se inaugura na Casa das Artes o 9 de agosto e que estará aberta ao público ata o 8 de setembro. A exposición está comisariada por David Barro e conta coa participación dos artistas Jesús Madriñán, Fluzo, Suso Fandiño, Pelucas, Beatriz Lobo, Armando G. e Nacho Alonso.
O día 9 de agosto, ás 24.00h e, dentro do programa Noite branca, organizado polo concello de Vigo, a Fundación Laxeiro ofrecerá unha visita guiada á Colección permanente, da man do actor Ángel Simón (Ferrol, 1967) quen, convertido nun vetusto guía-conservador de museo que vive na Fundación Laxeiro dende o século XIX, ofrecerá un divertido percorrido polas sesenta e catro obras que conforman a Colección permanente, comentando detalles e anécdotas das obras máis importantes da Colección, interaccionando co público asistente e contando tamén detalles e anécdotas da vida de Laxeiro.
A coral Casablanca ofrecerá mañá sábado 3 de agosto ás 23 da noite, no Auditorio de Castrelos, un concerto onde o cine será o protagonista. Ademáis a Festa da Sardiña abrírá o ciclo adicado ás festas gastronómicas, na Carballeira da Guía a partir das 10 da mañá.
O domingo 4 de agosto terá lugar a saída en procesión do Cristo da Victoria. O ex rector da Universidade de Vigo Jose Antonio Rodríguez Vázquez será o encargado da lectura do pregón, o sábado 3 de agosto á 13.00 horas en Castrelos, no Pazo Museo Quiñones de León. <br />
Este luns, 5 de agosto, continúan as actividades da programación Vigo en Festas co comezo do xa tradicional Ciclo de Bandas, os concertos de Vigo Sónico e a Semana Infantil, con obradoiros, animación e rutas polo centro histórico da cidade
Abel Caballero presentou este venres no MARCO de Vigo esta iniciativa cultural que ampliará ata as dúas da madrugada o horario dos principais recintos expositivos de Vigo e programa, desde as 19:30 horas, varios concertos, novas exposicións e visitas guiadas e teatralizadas ata as 02:00 horas.
O alcalde asistiu este xoves á apertura desta mostra tecnolóxica interactiva, posta en marcha en Samil pola Obra Social "La Caixa" en colaboración co Concello de Vigo durante o mes de agosto. A exposición "ten que ver cunha cidade investigadora e cunha gran capacidade tecnolóxica", asegurou Caballero.
O alcalde, Abel Caballero, e a tenente de alcalde, Carmela Silva, acompañaron á artista viguesa na clausura da súa mostra na galería Sargadelos de Vigo. Caballero amosou a súa "gran satisfacción" pola primeira exposición en Vigo de Álvarez en 30 anos.
O concerto do artista Pablo Alborán, previsto nun principio para este domingo día 28 no Recinto Feiral de Vigo-IFEVI (avenida do Aeroporto, 772-Cotogrande), tense aprazado para o mércores 14 de agosto, pola traxedia acontecida o pasado mércores en Santiago de Compostela. O concerto, organizado pola empresa Categórica Produccións, conta coa colaboración da Concellería de Cultura e Festas e inclúese no programa VIGO EN FESTAS 2013.
Melendi será o encargado de abrir o programa de concertos de verán de Vigo en Festas, co seu novo traballo "Lágrimas desordenadas". A cita será o mércores 24 de xullo, as once da noite no Auditorio de Castrelos.