venres, 21 xuñ 2013
O próximo 28 de xuño arranca en Vigo a novena edición de Imaxina Sons coa actuación do pianista armenio Tigrán. Organizado e promovido polo Concello, este festival de jazz manterase fiel a tradición europea e, como novidade, incorpora unha nova actividade paralela: a Academia de sons.
martes, 18 xuñ 2013
A Concellería de Cultura e Festas organiza un ano máis o Festival de Jazz de Vigo IMAXINA SONS'13, que chega xa á súa novena edición, e que se desenvolverá dende o 28 de xuño ao 6 de xullo en distintos espazos da cidade, con protagonismo especial do auditorio municipal do Concello (praza do Rei, 1) e a praza da Constitución. A presentación do programa completo en rolda de prensa terá lugar o venres 21 de xuño, coincidindo co Día Internacional da Música, e unha festa de presentación na noitiña na que actuará a cantante Verónica Ferreiro.
martes, 18 xuñ 2013
O vindeiro luns 24 de xuño, ás 20:30 h, terá lugar no auditorio Martín Codax do Conservatorio Superior de Música (rúa Manuel Olivié, 23), o concerto de clausura do Programa Sinfónico de Primavera da Orquestra VIGO 430, que conta coa colaboración da Concellería de Cultura e Festas.
xoves, 13 xuñ 2013
O Festival Folclórico Internacional, froito do convenio de colaboración entre a concellería de Cultura e Festas e a Asociación Cultural Interfolc, que chega á súa décimo novena edición, abre o prazo de solicitudes de actuacións, que terán lugar entre o 6 e o 11 de agosto. O festival inclúese na programación das Festas do Verán.
xoves, 13 xuñ 2013
A última película do director vigués Juan Pinzás estrénase mañá venres nos cines Gran Vía, unha boa oportunidade para "sentirnos orgullosos dun vigués que presenta as súas obras na súa cidade natal", dixo o alcalde. O director detallou características da que é o seu oitovo filme, ao tempo que o rexedor destacaba a súa capacidade artística e creativa.
mércores, 12 xuñ 2013
Hoxe mércores, 12 de xuño, ás 20:00 h, ten lugar na sala de exposicións da Casa Galega da Cultura (praza da Princesa, 2) a inauguración de AFINIDADES SELECTIVAS 6, froito do convenio de colaboración asinado entre a concellería de Cultura e Festas e a Universidade de Vigo. Trátase dunha exposición colectiva, comisariada por Almudena Fernández Fariña, de Berta Cáccamo + Mar Vicente; Chelo Matesanz + Natalia Umpierrez; X. M. Buxán + Alex Mene eYolanda Herranz + Basilisa Fiestras<br />
luns, 3 xuñ 2013
A Bilioteca Pública Central de Vigo (R/ Joaquín Yáñez 6), co obxecto de facilitar o estudo e o uso das instalacións públicas, ampliará o horario de apertura da súa Sala de Lectura desde venres 7 ao domingo 30 de xuño, ambos inclusive.
xoves, 23 mai 2013
O venres, día 24 de maio, ás 20,00 h, inaugurarase na sala do primeiro andar do MARCO (Príncipe, 54) a exposición ‘PATRICIA ESQUIVIAS. Todas as tradicións son inventadas’, comisariada por Agar Ledo Arias. A exposición de Patricia Esquivias (Caracas, Venezuela, 1979) leva por título unha frase derivada dun dos máis influintes ensaios do historiador marxista Eric Hobsbawm, no que describe a orixe recente de moitas tradicións que permanecen na sociedade e que, non obstante, son produto da invención. A súa orixe pode ser máis ou menos rastrexable, pero todas teñen en común a súa relación co pasado e coa historia, o elemento lexitimador.
xoves, 23 mai 2013
Abel Caballero participou este xoves na Praza da Constitución na presentación da segunda edición deste evento, que este ano engade a categoría infantil ás habituais de longametraxe, curtametraxe e videoclip. O Festival dará comezo o próximo mércores, 29 de maio, e pecharase o seguinte domingo coa entrega de premios.
xoves, 16 mai 2013
A Biblioteca Pública Central de Vigo (r/ Joaquín Yáñez, 6) permanecerá pechada, por motivos de seguridade, entre os días 20 e 26 de maio, ambos inclusive, debido aos necesarios labores de tratamento de control preventivo-curativo contra xilofagos, levados a cabo polo servizo de Control de Pragas do Concello de Vigo e en coordinación coa dirección da citada biblioteca dependente da Xunta de Galicia. O luns 27, a biblioteca xa funcionará con normalidade.