mércores, 10 dec 2003
O xoves ás 8,30 da noite, vai ter lugar o cuarto concerto do "XVII Ciclo de Intérpretes Internacionais" .Este concerto está patrocinado pola Concellería de Cultura e celebraráse no auditorio do Conservatorio Superior de Música de Vigo con entrada libre e gratuíta. Organizado por Xuventudes Musicais de Vigo actuará o Quinteto Logos que interpretará o seguinte programa: Quinteto con Piano, Op 44, de Robert Schumann e Quinteto con Piano, Op 57 de Dmitri Schostakovich.
martes, 9 dec 2003
O Gabinete Armónico llevará á Igresia Concatedral Santa María de Vigo ás cantatas inéditas do barroco español dentro da programación do festival de música Are More que organiza a Concellería de Cultura. O concerto será o día 10 de decembro ás 21.00 horas. O gabinete armónico está composto por Mª Luz Álvarez, canto; José Manuel Hernández, violoncello barroco; Manuel Vilas, harpa barroca; Carlos García Bernal, cravo e Jesús Sánchez, arquilaúde e guitarra.
venres, 5 dec 2003
Quince centros de ensino da cidade participarán no programa de actividades de divulgación do museo de Castrelos que terá lugar entre os días 9 e 14 de decembro con nome "Día do Marqués". As actividades queren conmemorar que o 12 de decembro de 1924 o Marques de Alcedo asinaba en París a doazón do seu pazo de Castrelos á cidade de Vigo coa condición , entre outras, de que se adicara a museo.
venres, 5 dec 2003
O Concelleiro de Cultura, Xosé Carlos Arias e a directora do Marco, Carlota Álvarez Basso, presentaron o avance da programación que o Museo de Arte Contemporáneo ten prevista para o vindeiro ano. Exposicións de arte, fotografía, deseño ,vídeo e ilustración de libros infantís centran a idea do programa.A presentación da nova programación tamén serviu para facer balance do ano que remata e que arroxa un balance de visitas ao MARCO de máis de 70 mil persoas. O número global de programas e actividades postos en marcha durante este ano foi de 31.
xoves, 4 dec 2003
Mais de dez mil persoas asistiron aos concertos que está a celebrar o festival de Música de Vigo Are More segundo os datos presentados hoxe en rolda de prensa polo concelleiro de Cultura, Xose Carlos Arias e o director do Festival, Roberto Relova. O festival celebrase ata o próximo día 19 de decembro e desenvolvense baixo o título xenérico "Os mil mares de Vigo".
xoves, 4 dec 2003
"A voz humana" é o título da representación que o ciclo de música Are More programa para o venres, día 5,no cine Fraga Caixa Galicia a partir das 20.30 horas. Ópera nun acto de Francis Poulenc , con libreto de Jean Cocteau e interpretada pola soprano Carmen Gurriarán acompañada ó piano de Francisco de Borja Mariño. Alfonso Romero Mora é o director de escena e iluminación e Adrián Antonio Gasparello é o encargado da escenografía.
mércores, 3 dec 2003
O xoves, 4 de decembro ás 8,30 da noite, vai ter lugar o terceiro concerto do "XVII ciclo de interpretes internacionais" que organiza Xuventudes Musicais de Vigo coa colaboración do Conservatorio Superior de Música de Vigo e patrocinado pola Concellería de Cultura. No auditorio "Martín Códax" do Conservatorio actuará o dúo de violoncello e piano formado por Isabel Figueroa Lorenzo (violoncello)e Severino Manuel Ortiz Rey (piano) que interpretarán un programa con obras de Beethoven, Johannes Brahms e Sergei Prokofiev. Entrada será con carácter aberto e gratuito para todos.
martes, 2 dec 2003
O Museo de Arte Contemporáneo de Vigo e o CGAC de Santiago estarán presentes na exposición "Museo de Museos. 25 museos de arte contemporáneo na España da Constitución " que se presenta o día 3 de decembro, no Museo Nacional Centro de Arte Reina Sofía. Na presentación estarán Luis Miguel Enciso, presidente da Sociedad Estatal de Conmemoraciones Culturales e os comisarios, Juan Manuel Bonet e Kevin Power, ademáis dos directores dos museos e centros de arte incluidos na mostra.
luns, 1 dec 2003
O cine Fraga CaixaGalicia acolle un novo concerto do ciclo de música clásica ARE MORE que organiza a concellería de Cultura. A partir das 21 horas do día 2 de decembro o concerto estará a cargo da soprano María José Moreno a Massimo Spadano, director, acompañados pola Orquestra de Cámara da Sinfónica de Galicia.
xoves, 27 nov 2003
O programa promovido pola Concellería de Cultura Are More continuará o venres, 28 de novembro cunha Noite de Fados que comenzará ás 20:30 horas no Cine Fraga.
