xoves, 13 nov 2003
O barítono español Joan Pons acompañado ó piano de Marco Evangelisti ofrecerán un concerto o próximo venres, día 14, dentro do ciclo do música ARE MORE que organiza a Concellería de Cultura. O concerto comezará ás 20.30 horas no escenario do Cine Fraga-Caixa Galicia e o prezo da entrada é de 10 euros.<br />
martes, 11 nov 2003
Do 12 ó 23 de novembro instalarase en Vigo a superproducción do Gran Circo Nacional Chino, Zensation, tralo éxito da súa primeira xira o ano pasado con máis de 200.000 espectadores. A presencia do circo en Vigo conta coa colaboración da concellería de Cultura e inicia na nosa cidade a súa xira por España que se alongará durante seis meses. O prezo das localidades van desde os 36 ós 15 euros.
martes, 11 nov 2003
A directora do Marco, Carlos Álvarez Basso, presentou a xornada de portas abertas que terá lugar o próximo sábado,día 15, con motivo do primeiro aniversario do Museo, con entrada gratuíta do público a calquera dos eventos.
luns, 10 nov 2003
A partires do día 11 de novembro escomenza unha nova mostra de fotografía a cargo de Tony Fernández. Esta mostra titulada América descuberta, fai un repaso por realidades diferentes recollidas pola cámara de Tony, arxentino de nacemento e residente en Galiza, que pretende dar unha visión persoal dun continente do que parece, non sabemos todo o que se podería contar.
venres, 7 nov 2003
O Concelleiro de Cultura, Xosé Carlos Arias, e representantes da Asociación Galega de Editores presentaron o programa "Mar, imaxes e palabras. Un ano de experiencias", con motivo do aniversario do afundimento do Prestige. As actividades culturais, enmarcadas dentro deste programa, terán lugar dende o luns 10 ó venres 14 de novembro de 2003 na Biblioteca Central.
venres, 31 out 2003
O MARCO, Museo de Arte Contemporánea de Vigo, presenta unha exposición de producción propia, baixo o título "OUTRAS ALTERNATIVAS: novas experiencias visuais en Portugal". Trátase de novo dunha exposición colectiva, da cal o fío conductor é neste caso máis xeográfico que temático: trátase da primeira mostra dunha nova promoción de creadores, nados en Portugal na década dos setenta, que por primeira vez expoñen xuntos. A exposición permanece aberta ata o 25 de xaneiro de 2004, en horario de martes a domingo de 11:00h a 21.00h.
venres, 31 out 2003
Lola Casariego , mezzosoprano, acompaña ao piano de Aurelio Viribay, ofrecen un concerto o 1 de novembro dentro do Festival de Música Clásica ARE-MORE que organiza a Concellería de Cultura. O concerto será a partir das 20 horas no Conservatorio Superior de Música de Vigo, con entrada libre e gratuíta ata completar o aforo.
xoves, 30 out 2003
A concellería de Cultura ven de enviar cartas ós colexios da cidade na que se informa dos concertos do ciclo de Música ARE-MORE e particularmente da ópera para escolares destinada preferentemente ó 2º e 3º ciclo de primaria.
mércores, 29 out 2003
O concelleiro de Cultura, Xosé Carlos Arias e o director da Fundación Laxeiro, Javier Buján, presentaron hoxe o inicio das visitas didácticas á Fundación que realizarán alumnos de segundo e terceiro de primaria. Tratase dunha iniciativa que a Fundación Laxeiro pon en marcha este ano por primeira vez, pola que pasarán durante todo o curso, un total de 5.000 nenas e nenos.
luns, 27 out 2003
A soprano Kiri Te Kanawa acompañada ao piano de Jonathan Papp ofrecen o concerto de inauguración do festival de Música AREMORE que organiza a Concellería de Cultura. O concerto celebrarase o martes a partir das 20.30 horas no Cine Fraga-Caixa Galicia. O Festival Are More ofrece 18 concertos que se desenvolveran ata o 19 de decembro nos escenarios do teatro Cine Fraga, o Conservatorio de Música, a Igrexa Concatedral de Santa María e o salón de actos do Marco. Kiro Te Kanawa intepretará obras de W A Mozart, F Mendelssohn, F Schubert, R Strauss, H Duparc, C Debussy e F P Tosti.