xoves, 15 mai 2008
O concelleiro de Cultura, Xesús López e o director do Marco, Iñaki López Antelo, presentaron hoxe xoves a programación especial que levará a cabo o Museo de Arte Contemporáneo os días 16,17 e 18 de maio con motivo do Día Internacional do Museos que este ano desenvolvese baixo o lema "Os museos como axentes do cambio social". No mesmo acto presentouse a programación do Marco para os meses de maio a agosto deste ano.
xoves, 15 mai 2008
O concelleiro de Cultura, o nacionalista Xesus López, salientou este xoves a reflexión sobre a alteración da paisaxe natural que caracteriza ao proxecto gañador das bolsas Feima- Fundación Laxeiro á creación artística. O proxecto da artista Belén Uriel, titulado "Full View", pode visitarse dende mañá, 16 de maio, ata o 7 de setembro na propia Fundación Laxeiro.
mércores, 14 mai 2008
Museo Liste dedica esta semana unha programación especial a conmemorar o Día das Letras Galegas e o Día Internacional dos Museos. Dende o día 13 ata o día 18 o acceso ó Museo será de balde e nestes días os visitantes desfrutarán de visitas guiadas, poderán ve-lo "Maio" e para os máis pequenos haberá xogos, enredos e actividades en relación coa figura de X.M. Alvárez Blázquez.
luns, 12 mai 2008
A exposición temporal "O Vieiro da Franqueira" que se inaugura o martes día 13 de maio ás 12.30 horas no museo Verbum-Casa das Palabras e que se poderá disfrutar ata o domingo 25, contará coa presenza do Concelleiro de Cultura do Concello de Vigo, Xesús López Carreira, do Director Xeral de Conservación da Natureza, Xosé Benito Reza Rodríguez, e dos alcaldes dos concellos integrantes da Asociación Intermunicipal "Vieiro da Franqueira".
venres, 9 mai 2008
Organizado polo colectivo Alg-a, o obradoiros " Laboratorio de escoita e experimentación sonora" tentan introducir aos rapaces no mundo do son e a escoita: como viaxa o son, por onde se move, para que serve…; que experimenten por eles mesmos os principais procesos creativos deste mundo e a súa interrelación con outros proxectos semellantes. <br />
venres, 9 mai 2008
"Continuamos poñendo a Vigo nos circuítos máis potentes de concertos internacionais", salientou este venres o tenente de alcalde, Santi Domínguez, quen anunciou que ás actuacións xa presentadas de Bob Dylan, Lenny Kravitz e The Quemical Brothers, entre outros, se suman as de Estopa o 28 de xuño, Pereza o 4 de xullo, e La Quinta Estación o 2 de agosto. Ademais, Santi Domínguez, indicou que con estes concertos tamén se está a cumplir o obxectivo de potenciar o Instituto Feiral de Vigo, posto que Estopa e Pereza actuarán neste recinto, mentres que o concerto de La Quinta Estación será en Castrelos.
mércores, 7 mai 2008
A programación estable de teatro para adultos posta en marcha pola Concellería de Cultura e Animación Sociocultural para o primeiro semestre do 2008 continúa mañá e pasado, 8 e 9 de maio, coa obra "O clube da calceta", a cargo da compañía Teatro do Morcego. A representación terá lugar ás 21:00 horas e as entradas, cun prezo de 5 euros, xa están a venda nas instalacións da Central de Espectáculos (na rúa Velázquez Moreno, número 26) e por internet na web www.centralespectaculos.com. Unha hora antes do comezo do espectáculo, se todavía quedasen entradas, poden mercarse na propia taquilla do Auditorio.
mércores, 30 abr 2008
As corais e as bandas de música de Vigo continúan durante o mes de maio o ciclo de actuacións prevista e organizadas pola Concellería de Cultura e Animación Sociocultural.
martes, 29 abr 2008
O vindeiro domingo, 4 de maio, clausúrase a exposición "Laxeiro, debuxos inéditos VI. Anatomías" que amosa 22 debuxos inéditos do corpo humano realizados por Laxeiro durante toda a súa traxectoria.
luns, 28 abr 2008
Con motivo do Día Internacional da Danza, o 29 de abril, o museo Verbum súmase ao proxecto Espazos Que Danzan, un festival de danza en espazos non convencionais organizado por EsperimentaDanza e EscénaTe.
