luns, 18 out 2010
O concelleiro de Cultura, Xesus López, presentou hoxe o novo concerto que acollerá o Auditorio Municipal dentro do programa estable das artes escénicas. Trátase da actuación da Orquestra 430, "coa que iniciamos a colaboración para convertila na orquestra residente do Concello de Vigo", o mércores 20 de outubro ás 20.30 horas. O prezo das entradas é de 5 euros, e segundo informou o concelleiro nacionalista poden adquirirse anticipadamente na web www.laboleria.es ou na propia taquilla unha hora antes do comezo da actuación.
venres, 15 out 2010
O Auditorio Municipal acollerá esta fin de semana as actuacións de O Trasno e Títeres Trompicallo, no marco da programación estable de artes escénicas, segundo informa a Concellería de Cultura. A compañía O Trasno Novo Teatro celebrará mañá, 16 de outubro ás 20.30 horas, o seu 30 aniversario, mentres que o domingo Títeres Trompicallo interpretará ás 18 horas a obra "Violeta Coletas contra as salchichas ¡gulp!", dirixida ao público infantil.
luns, 11 out 2010
O concelleiro de Cultura, Xesus López, presentou este luns a nova actuación que terá lugar no Auditorio Municipal, dentro da programación municipal e estable das artes escénicas. Trátase da estrea do espectáculo de danza "Alicia & Alicia", que se representará o mércores 13 e o xoves 14 ás 21 horas, a cargo da compañía viguesa A Producións Artísticas.
venres, 8 out 2010
A actuación da compañía Atrezo Teatro que estaba previsto celebrará mañá pola tarde no Centro Cultura de San Miguel de Oia tense que pospoñer ata o vindeiro 16 de outubro. Esta función está incluía no programa "Vigo a Escena" que desenvolve a Concellería de Cultura e Animación Sociocultural do Concello de Vigo.
venres, 8 out 2010
O concelleiro de Cultura, Xesus López, asegurou este venres que o festival de música clásica Are More, "non se suprime", como publicou hoxe un medio escrito da cidade, senón que se apraza ata a apertura do Teatro Fraga tras a súa remodelación. O concelleiro do BNG afirmou que o festival se celebrará este inverno e que incluirá "dúas actuacións de nivel internacional".
mércores, 6 out 2010
O concelleiro de Cultura, Xesus López, salientou hoxe que o festival Sinsal ten unha "programación de risco e vangardista" que nesta última parte do ano incorpora o Auditorio Municipal e a sala Mondo aos seus escenarios habituais. O seguinte concerto do festival será o vindeiro 18 de outubro ás 21 horas na sala Mondo, onde actuarán Masters Musicians of Bukkake e Future Islands.
martes, 28 set 2010
O concelleiro de Cultura, Xesus López, anunciou hoxe que o vindeiro venres comeza a programación estable de artes escénicas do Auditorio Municipal, "cumprindo o noso compromiso". Na presentación do programa do primeiro mes e medio, que se desenvolverá do 1 de outubro ao 15 de novembro, o nacionalista salientou que o remodelado auditorio acollerá espectáculos teatrais, música e danza, para os que se poden mercar as entradas na web www.laboleria.es ou na propia taquilla unha hora antes do comezo das actuacións.
venres, 24 set 2010
O Punto Xove de López de Neira acolle do vindeiro luns 27 de setembro e ata o 12 de outurbo unha mostra que leva por nome "Series fotográficas sobre Vigo e Londres", de Fernando Conde Lamas. A exposición poderá visitarse nestas instalacións da Concellería de Xuventude en horario de luns a venres de 9:30 a 14 horas e de luns a xoves de 17 a 20 horas e se completará cunha proxección o xoves 7 de outubro ás 19 horas.
venres, 24 set 2010
A mascota do Museo Quiñones de León, Landriña, acompañará aos visitantes nunha nova proposta do programa "Domingos de museo", que terá lugar o vindeiro domingo, 26 de setembro. Nesta ocasión, Landriña propón un percorrido polas esculturas do Museo da Cidade, que se completará cun obradoiro no que os participantes poderán realizar as súas propias obras de arte.
