martes, 22 xul 2008
O tenente de alcalde, Santi Domínguez, e a concelleira de Benestar Social, María Méndez, anunciaron este martes que Coia contará a principios do 2009 cun novo centro de servizos municipais, que aglutinará ás unidades básicas de atención social (UBAS) de Coia, Litoral e Castrelos. Na presentación do proxecto, os representantes do goberno municipal explicaron que o novo centro se instalará nun local ubicado na rúa Quintela e atenderá a unha poboación inicial de 75.000 persoas. <br />
luns, 21 xul 2008
O proxecto "O noso taxi", que a Tenencia de Alcaldía e a Concellería de Benestar Social porán en marcha no mes de setembro, xa ten aberto o prazo de presentación de solicitudes, segundo anunciaron este luns o tenente de alcalde, Santi Domínguez, e a concelleira de Benestar, María Méndez. Os interesados e interesadas en participar nesta iniciativa, que ten o obxectivo de mellorar a mobilidade das persoas con dependencia e da que poderán beneficiarse ata 208 usuarios e usuarias ata final de ano, poden presentar as súas solicitudes ata o vindeiro 6 de agosto no Concello de Vigo.<br />
venres, 18 xul 2008
O Concello de Vigo, nas intervencións do alcalde, Abel Caballero, o tenente de alcalde, Santi Domínguez, e a concelleira de Benestar Social, María Méndez, expresou o seu apoio ao pobo saharaui durante a recepción ofrecida aos rapaces, rapazas e familias de acollida que participan no programa "Vacacións en paz". En total, son 76 menores os que pasarán os meses de xullo e agosto con familias de acollida viguesas, e este ano Benestar Social financia o desprazamento de 35 deles, o que supón un incremento de prazas con respecto a anos anteriores.<br />
martes, 15 xul 2008
A concelleira de Igualdade, a nacionalista Iolanda Veloso, deu conta onte pola tarde ao Consello Municipal da Muller do proceso seguido para o peche da Casa de Acollida e a creación do novo Centro de Emerxencia. Tras as explicacións da concelleira e o debate e intercambio de opinións das integrantes do Consello Municipal, as propias participantes solicitaron facer públicas as conclusións do encontro. Así, as integrantes do Consello Municipal da Muller queren precisar que os servizos de información, apoio e aloxamento á muller maltratada en Vigo "funcionan dende o principio e seguen funcionando en todos os seus extremos". <br />
luns, 14 xul 2008
A concelleira de Benestar Social, María Méndez, salientou estes luns a aposta pola integración en igualdade de condicións e a oferta de tempo de lecer de calidade que leva a cabo a súa concellería. A concelleira nacionalista realizou estas declaracións durante a visita que realizou a inauguración do campamento urbán que Benestar Social promove na asociación "Hoy por mañana" e que se desenvolverá ata o 31 de xullo en quenda de mañá.<br />
venres, 11 xul 2008
O vindeiro luns, 14 de xullo, abrirase o prazo de inscrición na galescola da rúa Palencia, a primeira das que se abrirán en Vigo, froito do traballo conxunto entre o Consorcio Galego de Servizos de Igualdade e Benestar e o Concello de Vigo. Segundo publica hoxe o Diario Oficial de Galicia, o centro, que comezará a súa andaina co curso escolar 2008/2009, disporá de 40 prazas distribuídas en tres unidades, e terá quendas de mañá, tarde e xornada completa.
xoves, 10 xul 2008
A concelleira de Benestar Social, María Méndez, visitou este xoves a unidade móbil do programa Café e calor na rúa, desenvolvido pola propia Concellería de Benestar Social a través dun convenio con Médicos do Mundo, e que segundo apuntou a edil do BNG atende arredor de 40 persoas ao día.
xoves, 10 xul 2008
Apostar polas persoas en risco de exclusión social, integrándoas no mundo laboral, para evitar que caian na pobreza e o obxectivo co que traballará o novo equipo do segundo Plan de Inclusión Social, que hoxe foi presentado polo tenente de alcalde, Santi Domínguez, e a concelleira de Benestar Social, María Méndez. Segundo explicou a edil do BNG, durante este ano 2008 este departamento xa realizou 317 intervencións, maioritariamente correspondentes a mulleres.
martes, 8 xul 2008
A concelleira de Benestar Social, María Méndez, salientou este martes que o departamento que dirixe destina máis de 495.000 euros para a sinatura de convenios con distintas organizacións de iniciativa social. Así, María Méndez sinalou que a renovación dos acordos con entidades como CEDRO, Médicos do Mundo, Alborada, o Comedor da Esperanza, Afán, ou o Fondo Galego de Cooperación supón un incremento medio do 7 por cento da cuantía dos convenios, mentres que hai outros de nova creación, como o de Sereos do Casco Vello, Asvidal ou Afal.
xoves, 3 xul 2008
A concelleira de Benestar Social, a nacionalista María Méndez, salientou hoxe a aposta que realiza a súa concellería para ofrecer actividades de lecer para nenos e nenas con discapacidade. A edil do BNG realizou estas declaracións durante a visita que realizou ao campamento que Benestar Social está a desenvolver no colexio público Saladino Cortizo, dirixido a rapaces e rapazas con características especiais.<br />
