O goberno municipal aprobará na Xunta de Goberno de mañá as bases e a convocatoria das becas para as estancias lingüísticas no estranxeiro do alumnado da Escola Oficial de Idiomas. O alcalde explicou este xoves que o importe do programa é de 88.250 euros.
O Concello súmase mañá, 20 de febreiro, á conmemoración do Día Mundial do Cancro en Vías Biliares coa iluminación das fontes de Aragón de cor verde. Cada terceiro xoves de febreiro celébrase o Día Mundial do Cancro en Vías Biliares (colangiocarcinoma) co obxectivo de incrementar o coñecemento sobre este tipo de cancro pouco coñecido pero en aumento. Ademais trata de informar sobre os factores de risco, síntomas e a importancia dun diagnóstico temperán para mellorar o prognóstico. Tamén se trata de dar visibilidade a esta enfermidade, apoiar a quen a enfronta e destacar a importancia da investigación para avanzar no seu diagnóstico e tratamento.
Abel Caballero anunciou hoxe que a cidade será a sede da XXX Edición dos Premios Max das Artes Escénicas no ano 2027, que se celebrará o 3 de maio no Auditorio Mar de VIgo e que organiza a SGAE. Na presentación participaron o presidente da Fundación SGAE, Juan José Solana; o director xeral, Rubén Gutiérrez; o director en Galicia Miguel DIéguez, e o responsable do consello territorial, Teo Cardalda, amais da primeira tenente de Alcaldía, Carmela Silva e o edil de Cultura, Gorka Gómez.
Abel Caballero avanzou este mércores que a nova Grada de Gol do estadio municipal de Balaídos, que conta cun investimento de 26 millóns de euros, estará terminada a principios de 2027. Iniciadas as obras o pasado mes de xaneiro, o próximo fito da construción terá lugar o vindeiro luns 24 de febreiro co inicio da retirada dos asentos.
O alcalde participou esta mañá nunha reunión na que o Ministerio de Transportes asegurou que en dous meses sairán a licitación, de forma conxunta, os estudos necesarios para a aprobación do estudo informativo e para a declaración de impacto ambiental do trazado.
A tenente de alcalde e delegada da Área de Cultura, Carmela Silva, acudiu á inauguración das xornadas que poñen de manifesto as relacións culturais entre Vigo e Portugal. O MARCO foi o escenario da xornada, “Diálogos abertos. Trazando liñas de bambú” onde se abordaron distintos eidos de conexión entre Galicia e Portugal con participantes técnicos e expertos culturais de Viana do Castelo, Vilanova de Cerveira, Porto e Lisboa.
O alcalde inaugurou este martes na Casa das Artes a mostra antolóxica “Silencio Roto” do pintor e restaurador Francisco Torrón . “A exposición, que permanecerá aberta ata o 20 de abril, combina unha forma excepcional de entender a pintura e a arte” e a continuidade da saga da familia Torrón co comisariado dirixido polo neto do artista, destacou Abel Caballero.
O alcalde anunciou hoxe a adxudicación do servizo de apoio técnico para a execución do Plan de Sostibilidade Turística en Bouzas, que contempla un investimento de 2 millóns de euros “para potenciar toda a zona e a afluencia turística”. Caballero explicou que se trata do “paso que nos quedaba por dar e xa está feito”.
O alcalde e a concelleira de Educación saudaron este martes, no salón de Plenos do Concello, as 49 alumnas e alumnos de sexto de Primaria do CEIP Seis do Nadal que participan no programa didáctico "Visita ou teu Concello". Abel Caballero explicou aos escolares o funcionamento da Casa Consistorial e a transcendencia das decisións municipais no desenvolvemento da cidade. O estudantado percorre as dependencias dos distintos servizos municipais para coñecer o seu funcionamento. O programa achega a actividade municipal a máis de 2.500 escolares da cidade.
O Concello abre a axenda do mes de marzo para realizar unha visita guiada ao Pazo da Raposeira, segundo anunciou hoxe o alcalde ao constatar o “éxito excepcional” da afluencia de visitantes ao histórico edificio desde a súa apertura este mes.