luns, 22 xul 2024
O VIII Concurso Internacional de Piano converteu hoxe á rúa do Príncipe nun gran escenario musical coa instalación dun piano de cola que está ao dispor de toda a cidadanía. Así o remarcou este luns o alcalde con motivo da inauguración dun certame que se prolongará ata o sábado, e que se desenvolverá entre os auditorios do Conservatorio Superior, o Museo de Arte Contemporánea e o Teatro Afundación. Ante a gañadora do concurso de 2023, Miyu Shindo, Abel Caballero anunciou que en 2025 a cita contará coa presenza de dous pianos na rúa. "Queremos que Vigo se asolague de pianos e que todo o mundo o goce e, se é posible, que moitas persoas aprendan a tocar este instrumento porque é unha marabilla", asegurou.
sábado, 20 xul 2024
Abel Caballero recibiu na Alcaldía ao embaixador de México, Quirino Ordaz Coppel, que visitou hoxe a cidade de Vigo. Ambos mandatarios mantiveron unha xuntanza cordial na que abordaron temas de interese social e económico tanto para México como para a sociedade viguesa, así como para os numerosos mexicanos que residen en Vigo. Tamén exploraron a posibilidade de seguir colaborando mutuamente para dar resposta aos retos e desafíos do futuro. O rexedor aproveitou para explicarlle a historia de Vigo con aspectos relevantes como a evolución do Casco Vello, a Panificadora e as Illas Cíes.
xoves, 18 xul 2024
Abel Caballero recibiu este xoves a don Luis Quinteiro Fiuza para despedirse unha vez deixou o cargo de bispo na Diocese Tui-Vigo. O alcalde eloxiou o seu labor á fronte da institución clerical e a súa preocupación sempre pola cidade. "Quinteiro Fiuza seguirá en Vigo e traballando pola cidade", afirmou o rexedor.
xoves, 18 xul 2024
Abel Caballero explicou este xoves que na comisión municipal de axudas de emerxencia celebrada esta semana aprobáronse 89 novos apoios sociais por valor de 28.000 euros.
xoves, 18 xul 2024
O alcalde acudirá á xuntanza entre as tres administracións para acordar a urbanización da ETEA e a construción dun aparcadoiro.
mércores, 17 xul 2024
Abel Caballero saudou esta mañá a un grupo de estudantes chinesas que participan en Vigo nun programa de inmersión organizado por Synergy Didactic. Trátase dun proxecto piloto, tras os anos da pandemia do Covid, na que colaboran coa Universidade de Estudos Internacionais de Beijing e a Universidade de Comunicación de China. O rexedor deulle a benvida á cidade, colaborou cun dos traballos que realizan respondendo ao cuestionario sobre a cidade e a súa traxectoria.
mércores, 17 xul 2024
O servizo de transporte urbano intensifica, desde mediados de xuño ata finais de agosto, os servizos en horario nocturno e as liñas para o desprazamento ás praias de Vigo “para ser unha alternativa real ao vehículo privado”, segundo recalcou este mércores Abel Caballero. Os reforzos sumaron, desde o 14 de xuño, máis de 84.000 usuarios.
mércores, 17 xul 2024
O presidente de Zona Franca anunciou o acordo adoptado hoxe polo pleno do Consorcio, polo que o Concello de Vigo ampliará durante 49 anos, a partir de 2031, o dereito de superficie dunha parcela sobre a que está asentada a bancada de Río do Estadio Municipal de Balaídos. A decisión é un dos pasos previos á sinatura do convenio co Real Club Celta, que "terá un longo prazo de vixencia", como indicou o rexedor.
martes, 16 xul 2024
A Xerencia de Urbanismo aprobou hoxe o inicio do proxecto de reparcelamento do polígono 2 do Plan Parcial de San Paio de Navia onde se construirán vivendas de promoción pública e o instituto de Secundaria.
luns, 15 xul 2024
O Concello gardou este luns un minuto de silencio polas 5 mulleres que esta fin de semana foron asasinadas, vítimas da violencia machista. Abel Caballero explicou que a cidade se sumou ás concentracións organizadas por concellos de toda España para "mostrar o noso respecto polas vítimas e a solidariedade coas súas familias".
