Galiocio abre as súas portas no Instituto Feiral de Vigo

mércores, 2 abr 2003

O alcalde, Lois Castrillo, inaugura no Instituto Feiral de Vigo (IFEVI) a primeira edición de Galiocio, o Salón do Tempo Libre, que organiza a empresa Planner&Proceltha, e no que estarán representados máis dun cento de expositores procedentes de distintos puntos de España e Portugal.

Cerimonia de entrega da Medalla da Cidade e Vigueses Distinguidos

xoves, 27 mar 2003

O alcalde de Vigo, Lois Pérez Castrillo, outorgaralle a Medalla da Cidade ao xornal Faro de Vigo no transcurso do acto de conmemoración da Reconquista da Cidade o xoves 27 ás 20:00 horas no Centro Cultural Caixanova. Na cerimonia tamén se fará a entrega dos galardóns aos vigueses distinguidos correspondentes ao ano 2003.

Vigo acolle a sede da Fundación Carlos Casares

martes, 18 mar 2003

O alcalde, Lois Castrillo, e a presidenta da Fundación, Kristina Berg, inauguraron a sede da entidade. O Concello, integrante do padroado, cedeulle gratuitamente á Fundación locais do edificio Asefal tralo seu acondicionamento, no que investiu 80.000 euros.