luns, 11 dec 2023
Desde hoxe permanece aberto o prazo de inscrición para participar no Campus Polideportivo de Reis, que se celebrará no Complexo Deportivo das Travesas do 2 ao 4 de xaneiro. Así o anunciou este luns o alcalde Abel Caballero ao sinalar que a iniciativa conta con 150 prazas para nenos de 6 a 14 anos. O prezo da inscrición ascende a 30 euros. As actividades desenvolveranse entre as 9 da mañá e as 2 da tarde.
luns, 11 dec 2023
Abel Caballero anunciou este luns que a XIX edición de Vigolandia, que se celebrará do 26 ao 30 de decembro no Instituto Feiral de Vigo, garante cinco días de lecer e diversión combinado con iniciativas educativas.
luns, 11 dec 2023
A Xunta de Goberno adxudicou este luns á empresa Prace, Servizos e Obras S.A. a contratación das obras de construción da nova conexión por ramplas mecánicas entre o Colexio Losada e a Avenida de Ramón Nieto. O Concello fixa un prazo de nove meses para executar un proxecto orzamentado en 2.305.531 euros.
luns, 11 dec 2023
Abel Caballero anunciou que o Concello participará na convocatoria do Plan de Recuperación, Transformación e Resiliencia do Goberno de España, financiado con fondos europeos Next Generation EU, co obxectivo de ter unha xestión 4.0 e seguir mellorando o ciclo integral da auga.
xoves, 7 dec 2023
O Concello e máis de 45 profesionais de Radio Taxi facilitarán a preto de 200 persoas que residen en 20 centros de maiores de Vigo realizar un percorrido totalmente gratuíto para gozar da iluminación e decoración despregada na cidade durante o Nadal. Por quinto ano, o vindeiro luns 11 de decembro, os maiores contemplarán en directo elementos emblemáticos como a árbore da Porta do Sol, de 45 metros de lonxitude, que este ano exhibe unha abraiante estrela.
xoves, 7 dec 2023
Abel Caballero anunciou este xoves que o Concello comunicou aos colexios o nome dos beneficiarios das bolsas de comedor. Apuntou que se concederon un total de 3.963 axudas, 403 máis que o curso pasado. A administración municipal dedica, neste curso, 2.500.00 euros a sufragar os gastos de comedor dos estudantes de Vigo.
xoves, 7 dec 2023
A décimo quinta edición da Vigo+11 vaise disputar este domingo ás 10:30horas con saída e chegada na Praza da Tellada, en Coia, onde se sitúa a
instalación deportiva municipal de Máis que Auga, saída e meta da carreira. Así o anunciou o alcalde de Vigo, Abel Caballero, que estivo acompañado na presentación da proba atlética por Fran Cortegoso, director xeral de Máis que Auga, e David Posada, delegado en Vigo da Federación Galega de
Atletismo, e tamén polo edil de Deportes, Manel Fernández.
martes, 5 dec 2023
Abel Caballero apelou este martes á necesidade de acometer a segunda quenda da descentralización de competencias do Estado para corrixir a “anomalía democrática” que representa para os concellos ocupar un maior espazo social, ofrecer máis servizos e apoios á cidadanía, mentres se ven progresivamente “máis constrinxidos” polas comunidades autónomas. A reclamación de “articular mecanismos que modifiquen” a situación actual pola que as comunidades autónomas aproban leis “abusivas” contra os concellos cedéndolles competencias sen os correspondentes recursos económicos, “incumprindo a Constitución”, foi exposta polo alcalde de Vigo durante a celebración no MARCO do acto central de Galicia en conmemoración do Día da Constitución.
luns, 4 dec 2023
Abel Caballero explicou este luns aos receptores do diploma que lles acredita como voluntarios que o Concello quere converter a Vigo nesta lexislatura na “Cidade do voluntariado”. Ao entregarlles o diploma que certifica a formación básica recibida polo axuntamento de Vigo, tamén destacou o traballo que realizan os que perceptores dos diplomas tanto para un bo acompañamento a persoas maiores, menores e con discapacidades, así como en habilidades de comunicación, en primeiros auxilios, entre outros.
luns, 4 dec 2023
O Seis do Nadal celebrará este mércores, 6 de decembro, a súa festa de 40 aniversario, coa disputa do primeiro encontro de exhibición de balonmán en cadeira de rodas entre o combinado nacional e o ICB Coruña, o único clube que disputa esta modalidade deportiva en Galicia. O encontro do XV Memorial Víctor Lis dará comezo ás 12:45 horas no Pavillón Municipal de Coia, coa interpretación do himno español e galego nos prolegómenos. O rexedor trasladoulles na súa visita o apoio a un evento de "gran relevancia para o deporte vigués".
