O alcalde felicitou hoxe á organización das “X Xornadas sobre Tecnoloxías e Solucións para a Automatización Industrial”, que reúnen na Escola de Enxeñería Industrial da Universidade de Vigo, desde hoxe ata o 14 de febreiro, aos protagonistas dos últimos avances tecnolóxicos aplicados a distintos ámbitos industriais e sociais.
O museo Verbum acolle mañá, martes 11 de febreiro, as actividades programadas polo Concello para conmemorar o “Día Internacional da Muller e a nena na Ciencia", segundo avanzou o alcalde.
O alcalde anunciou hoxe que os parques de bombeiros de Teis e Coruxo contarán con seis novos vehículos, incluído un novo furgón dotado con nove prazas para trasladar efectivos en intervencións complexas e de longa duración.
O alcalde explicou hoxe aos 48 alumnos de sexto de primaria do CEIP O Pombal, que participan no programa "Visita ou teu concello" , o funcionamento da administración municipal e a importancia da actividade e das decisións que adopta cada día para o benestar da cidadanía de Vigo. A visita realizada este xoves polo alumnado do último curso de primaria do colexio de Lavadores súmase á realizada o martes polos seus compañeiros de cuarto de primaria. Ao longo do curso máis de 2.000 escolares da cidade participan na iniciativa didáctica municipal para fomentar o coñecemento do Concello de Vigo.
Abel Caballero avanzou este xoves a licitación das obras das catro ramplas mecánicas da rúa Pintor Colmeiro, desde a rúa Álvaro Cunqueiro ata o centro de saúde, por un importe de 2,5 millóns de euros.
O Concello avanza no deseño da programación das próximas festas de Entroido. Arrincará o venres 28 de febreiro cun concerto do dúo “Fillas de Casandra”, que comezará ás 22.00 horas na Porta do Sol.
Abel Caballero trasladou a Bieito Romero, líder e fundador de Luar na Lubre, o seu apoio á campaña que veñen de iniciar para recuperar esta palabra, que figuraba no dicionario de Xosé Luís Franco Grande de 1968.
O 15 de febreiro o grupo de folk presentará no teatro Afundación o seu último traballo "Luar na Lubre XX. Encrucillada", un libro-disco que recolle algún dos seus temas emblemáticos e no que contan coas voces de Pablo Milanés, SÉS, Rosa Cedrón e outros artistas que colaboraron coa formación galega. Caballero felicitounos pola súa traxectoria, de case corenta anos, e por elixir Vigo para dar a coñecer o seu novo traballo.
Abel Caballero asistiu este mércores á doazón á Fundación Penzol dos fondos documentais de Xesús Alonso Montero relacionados coa actividade oratoria do catedrático de literatura galega e membro da Real Academia Galega e do Consello da Cultura Galega.
Abel Caballero participou na entrega de premios do décimo sexto certame de pintura Vigolandia no que participaron 5.030 estudantes de 45 centros escolares da cidade. Un total de 52 “artistas” de entre 6 a 12 anos recibiron esta mañá un diploma e un agasallo recoñecendo a excelencia dos seus traballos. O alcalde trasladou os seus parabéns a todos os escolares pola calidade dos debuxos cos que concorreron a este concurso organizado polo IFEVI.